‫رساله الي زوجي المنتظر ...

تحيه طيبه وبعد ,,
طبعا مش هقدر أقولك وحشتني .. لأني لسه معرفش انت مين .. وبالتالي لسه مخدناش علي بعض
زوجي العزيز ..
أنا يمكن مش عارفه انت هتكون مين ..
بس عارفه انك هتكون بالنسبه ليا ايه..
طول عمري مقتنعه ان الناس زي ما تكون واقفه علي محطة قطر مزحومه ..
وكل واحد بيدور علي نصه التاني ..
منهم اللي بيلاقيه علي طول ..
ومنهم اللي بيحتار علي ما بيلاقيه ..
أوقات كتير بتيجي في بالي ..
وبفكر يا تري شكله ايه ؟؟
طب بيشتغل ايه ؟؟
طب بيعمل ايه دلوقتي ؟؟ مبسوط ولا زعلان ؟؟
يا تري أما بكون زعلانه بيكون حاسس بيا ؟؟
لدرجة أني أوقات كتير اما بكون متضايقه من غير سبب ..
بقول يمكن "هو " في حاجه مزعلاه ..
مش عارفه ليه حاسه أنكم بتقولوا عليا "مجنونه "
بس هو مش ربنا خلقنا وخلق لكل ادم حوا معينه له (ماحدش بياخد مراة حد)..
يمكن عشان أنا مقتنعه بحاجه جوايا ..
ان نصك التاني ده مرايتك .. يعني لو انت دلوقتي انسان كويس ومحترم وبتراعي ربنا
هو كمان هيكون كده .. وعشان كده مش بفكر أفكر في حد تاني
أنا بس كنت عايزه أقولك اني بحبك من قبل ما أشوفك
بحبك عشان ربنا .. وبحبك عشان واثقه انك ان شاء الله هتكون تستحق انك تتحب
وبصراحه مخبيش عليك ..
انا في حاجات كتير اوي اما تيجي هبقي احكيلك عليها .. حاجات جوايا عمري ما قلتها لحد
ومش عايزه أقولها لحد عشان أقولهالك انت
هو انا كده هبقي بتقل عليك ؟؟
طب بس ما انا هسمعلك برضه وعمري ما هخليك محتاج لحد تاني من الدنيا ..
أوقات كتير أما بحس ان الدنيا قاسيه عليا ..
بصلى لربنا انه يدينى هديتى ملفوفه فى احلى شكل هديه وانا اللى افتحها معاه ويعوض عن السنين العجاف اللى اكلها الجراد ..
وبصراحه مخبيش عليك أنا مش مثاليه أوي يعني
يعني ساعات بتعصب .. وساعات بتقمص ..
بس مهو انت لازم تستحملني يعني
ما أنا برضه هستحملك ..
نفسى اشوف اهلك واعرفك على ماما ده احنا جايبين ف سيرتك من ايام الابتدائيه ياراجل
المهم في الأخر عايزه أقولك حاجه واحده ..
...

..
..
..
..
..

ما دام انت كده كده جاي .. ماتنساش تجيب طلبات البيت ":D
بهزر معاك .. انا عديت على السوبر ماركت
أهم حاجه لحد ما تيجي .. أياك تبص لأي واحده
واوعي واحده كده ولا كده تضحك عليك
وربنا يوفقك في حياتك ان شاء الله
وايد رب المجد هى اللى تجمع مش اي ايد بشريه

ههههههههههههههههههههههههه
ههههههههههههههههههه
وانا بأمانه كنت هقول كدا بالضبط ههههههههه
جمييييييل حببتي
ربنا يباركك

رســـالة ظريفــــة !
مديرتنــــــا العزيزة رينــــــه ؛؛ مواضيعكــم متميّـــزة !
هــي موضع فخر وآعتــزاز لنــــا !
جزيل شكرنــا وتقديرنــا .

رااااااااااااااااااااااااااائع هههههههههههههه
فرحت به كثيراً
واستمتعت بقرائته هههههههه
مشكورة مديرتنا

» عزيزى زوجى المنتظر
» انه بيد زوجي
» حـــــــــــوار زوجي
» زوجي=== وأنا أتعذب
» سيدة مصر الأولى: زوجي خادم مصر