مناجاه رائعة للعذراء من الأنبا رافائيل
قسم العذراء مريم :
يا عدرا .. عشمان فيكي يا حبيبتي يا أمي الطّاهرة ..
تسمحي لي يا أمّـي أتكلّم معاكي شويّة ؟ !
أنا بحبّـك .. إنتي أغلى إنسانة في قلبي ..
شايف فيكي جمال يفوق الوصف ..
جمالـكَ جمال روحاني مالوش مثيل ..
قلبـكَ صافي .. عينيكي وديعة ..
أنتي شفافة .. لابسة الطّـهارة .
لسانـكِ ساكت لكن قلبكِ بيتكلّم في جلال الصّمت ..
أذناكي لم تسمعا إلاَّ صوت الملاك ..
يا بختـكِ !!
فلم تسمعي شيئًا يلـوّث نقاوتـكِ .
مين أصحابـكِ ؟
غبريال رئيس الملائكة ؟ !
أليصابات البارة وزوجها الكاهن ؟ !
بتقرأي إيه ؟ مشغولة بإيه ؟
وقتك كنتي بتقضيه
إزاي ؟
كلام إلهك حبيبك ؟ بس ؟ ! يا بختـكِ !!
كنتي بتتكـلّمي مع مين ؟ الملائكة ؟ بس ؟ ! يا بختـكِ ..
عشمان فيكي يا حبيبتي يا أمّــي الطّـاهرة ..
يا حبيبتي يا عدرا ممكن تقبلي تتكلّمي معايا ؟
صحيح أنا إنسان رديء وأنت كُلك طاهر ..
لكن أنتي متّضعة ..
ورضيتي تلدي آبنك وإلهك في مكان حقير..
أنتي إللّـي بتعطي للمكان قيمة وطهارة وليس العكس ..
تعالي نتصاحب عشان ترفعيني ..
أصحاب كتير أخذوني لتحت .. ممكن أنتي ترفعيني ؟
ترفعي أفكاري وآتّجاهاتي ومشاعري وعواطفي ..
ممكن ألزق فيكي عشان ألتقط منكي جمالك الـرّوحاني ؟
عشمان فيكي يا حبيبتي يا أمّـي الطّـاهرة ..
ممكن تسهري جانبي عشان ما أغلطش ؟
ممكن تطبطبي عليَّ عشان أنام يا أمّـي الحنونة ؟
وأكيد هأنام في طهارة ونقاوة ..
ممكن أصحى الصّـبح أراكي أمامي ؟
وأكيد هاعيش يومي في بهجة روحيّـة ..
ممكن تيجي معايا مشاويري ؟
عشمان فيكي يا حبيبتي يا أمّـي الطّـاهرة ..
معقول الكلام إللّـي بأكتبه ده ؟ !!!!
هل ممكن نكون أصحاب أنتي وأنا يا أمّـي يا طاهرة ؟!
أنا وحش أوي ..
لكن فعلاً محتاج حـدّ يصاحبني ..
ويرفعني من المزبلة ..
ماحدش غيرك ممكن يساعدني ..
عشمان فيكي يا حبيبتي يا أمّـي الطّـاهرة ..
ممكن ما ترفضيش مصاحبتي ؟
هاقعد ساكت مش هاتكلّـم ولن أزعجك ..
هألاحظك بس وأشوف بتعملي إيه وأتعلّـم منـكِ ..
يمكن ألتقط منكي المحبّـة الصّـافية ..
والفرح الـرّوحاني .. والسّـلام السّمائي ..
وأشبع بطول بالـكِ ..
وأتتعلّـم منكي يا أمّـي اللّطف في الكلام ..
آه من وداعتـكِ ... آه من قداســتكِ ...
آه من طهارتـكِ ... آه من نقاوتـكِ ...
عشمان فيكي يا حبيبتي يا أمّـي الطّـاهرة ..
* منتدى قداسـة الپاپا شــنودة الثّالـث *
الرئيسية
أحدث الصور
التسجيل
دخول
موضوع: ♱ مُناجاة رائعــة للعذراء مريــم ♱ 
الأربعاء يناير 16, 2013 10:21 pm
