ليش الاسرع !

موضوع: ليش الاسرع ! الجمعة نوفمبر 28, 2014 12:13 pm

كتير صرنا عم نسمع كلمة الاسرع
بيقللك
جهاز الرياضة هاد بيخليك تعمل رياضة وتخسر وزن بشكل اسرع من التقليدي

هي الألة بتطبخ اسرع من غيرها

هالبرنامج بيحمل شو ما بدك من النت وبأسرع من غيرو

وأسرع وأسرع
,,

عا شو مستعجليين ؟
وليش السرعة ؟
انا بحس انو هلاسرعة عم تخلينا نصير ألات أكتر واكتر
والعلاقات الاجتماعية تصغر وتصغر
واخر شي تختفي العادات والاجتماعات والقعدات الحلوة مع العيلة

ومن كتر مو بالنا مشغول بالاسرع والسريع
صرنا عم نفقد اعصابنا بسرعة
ونعصّب ونزعج الحولينا
ومن كتر تعاملنا مع الات نسينا شلون نتعامل مع البشر أخوتنا

ولهيك حتى ازا ألتقينا أكييد رح يصير مشاحنات بين بعضنا
ورح نزعل ويصير في فراق وبعُد

في اشيا حلو تنعمل بسرعة
بس مافي داعي للعيش بسرعة بسرعة
ازا ما كناعايشين مع بعض

الواحد بيقعد قدام الكومبيوتر ساعات
بس بيت جده او حدا من قرايبينو ما فيه يضل ساعة وحدة !!

الشي الصاير انو الناس كلها راكضة وبسرعة
بس ما عم تلحق شي
ولهلا ما شافو شي يرضيون
والقناعة ضلت بس بالمثل موجودة
(القناعة كنز لا يفنى )

وقبل عصر هالسرعة
كان الكل مبسوط
والكل عايش مع بعضو
واحيانا البيت الواحد فيه عيلتين او اكتر
وبيعرف يتسلا بأي شي عندو
ومقتنع بالقلة يلي عايش فيها
وكانت وقتا القناعة كنز حقيقي
والكل فرحان كأن عنجد عنده كنز

,,,,,,,,,,,,,,,,

ما رح حط اسئلة
بس بحب أعرف وجهات نظركن عن هالسرعة يلي كلنا راكضين وراها

بهذه الطّريقـة ؛ يتحول الإنسان الى آلـة

( روپوت ) ؛ ويفقد شخصيّتهُ الإنسانيّـة !

شــكرا اختنا الغالية * جورجيينا *

للموضوع الإجتماعـي المميّــــز !

وافر تقديرنــــا .

خادم المسيح كتب:: بهذه الطّريقـة ؛ يتحول الإنسان الى آلـة
( روپوت ) ؛ ويفقد شخصيّتهُ الإنسانيّـة !
شــكرا اختنا الغالية * جورجيينا *
للموضوع الإجتماعـي المميّــــز !
وافر تقديرنــــا .

ربنا يخليك انبسطت بمشاركتك

حتى ماعم يقعد الواحد ياكل لقمتين بس بدو يطلع برا البيت ..
كل الي قلته صح .....
بسبب عصر السرعة كتير أشياء تغيرت بحياتنا .. دخول التكنولوجيا مثلاً لحياتنا بهالشكل أثر سلباً علينا بدون ما ننسى إيجابياتو
الكبيرة أكيد .. بس ما فينا نغفل على أنو العلاقات الإجتماعية صارت باردة وحياتنا بدون النت ما فينا نتحملا ...
وهاد بيدينا نسيطر عليه أكيد قبل ما نخسر حالنا وأحوالنا ..
زمان ونحنا صغار كنا نلعب مليون لعبة هلأ الأطفال صاروا كل واحد لحالو بلعب على النت صارت طفولتون طفولة الكترونية بحتة ..
حتى الأكل في شي اسمو وجبات سريعة وضررها الكبير على الصحة ...

المفروض كل واحد يوقف مراقب خارجي على حياتو ويحاول يصلح الي بيقدر عليه ... أنا بحاول اعمل هيك بصراحة كل ما انتبهت على شي