منتدى يسوع المخلص
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي


منتدى ثقافي ديني اجتماعي حواري واقسام للتسلية والترفيه.
 
الرئيسيةالرئيسية  س .و .جس .و .ج  التسجيلالتسجيل  دخولدخول  
لأي مشكل وللرسائل هنا
تم اظهار قسمي الميلاد ورأس السنة

شاطر | 
 

 ♣ ولد يريد يشتري طوبة ( كرة ) !!! ♣

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
خادم المسيح
مشرف (ة)
مشرف (ة)
avatar

الجنس : ذكر
الجوزاء
عدد المساهمات : 10786
التقييم : 4957
تاريخ التسجيل : 11/08/2012
البلد التي انتمي اليها : العراق

مُساهمةموضوع: ♣ ولد يريد يشتري طوبة ( كرة ) !!! ♣   الخميس أكتوبر 06, 2016 8:08 pm

[ ولد يريد يشــتري طوبـة ( كرة قدم ) ] !
ولد راح لأبوه گله : يابه أريد 3 آلاف أشتري طوبه ..
گله أبوه : ماعندي ولّي منْ يمي ..
گله : ما عليه أريد أشتري طوبه أريد فلوس ..
گله أبوه : گتلك ماعندي .. عندك ديچ روح بيعه وآشتري طوبه ..
گله : الديچ مريض مينباع بألفين دينار ! .
گله أبوه : ماعرف روح منْ يمي ماعندي ..
الولد أخذ الديچ ، وگام يفتر بيه ، يريد يبيعه محّـد آشتراه منّه ..
گال لنفسه : ماكو غير أم غايب السحاره تشتري مني ..
راح دگ الباب طلعت ام غايب گالتله : هَلا بعد رويحتي تعال فوت خلي أبوسك
منْ زمان ماشايفتك .. فات للبيت .
گللها : خاله أريد أبيع هذا الديچ تشتريه ؟ فجأه آندگت الباب ..
گالتله : ولك هذا رجلي بس يشوفك هنا يكتلك تعال آختل بالكنتور!
راحت فتحت الباب طلع مو رجلها واحد ثاني متفقه وياه ..
أول ماگعد إندگت الباب .. گلتله : هذا رجلي گوم آختل بالكنتور..
فات ختل بالكنتور.. طبعا بالكنتور ظلمه ..
الولد دغدغ الرجال گله : تشتري هذا الديچ ؟
گله الرجال : أشش .. نصّي صوتك ليسمعنا رَجلها ..
گله الولد : والله إذا ما تشتري الديچ أصيح ! .
گله الرجال : أشش بيش تريده ؟
گله : بـ 50 الف .
گله الرجال : عزه شوغالي شدعوه ؟
گله : تشتريه لو أصيح ويسمعنه رَجلها ؟
گله الرجال : هاك 50 ألف ، وأخذ الديج ..
وره شويه الولد گله : تبيع الديچ ؟
گله الرجال : لا ما أبيعه ، أسكت ..
گله الولد : لا ، مو بكيفك ، تبيعه وإذا مَتبيعه أصيح ..
گله : يله أبيعه بيش تاخذه ؟ گله الولد : بـ 3 الاف ..
گله الرجال : ولك مو هستوني آشتريته منك بـ 50 الف ؟
گله : اذا متبيعه والله اصيح ..
گله الرجال : جيب 3 الاف وآخذه حسبي الله عليك ..
ورَه شويه گله الولد : تشتري الديچ لو اصيح ؟
گله الرجال : بيش ؟ گله : بـ 100 الف ..
گله الرجال : والله ماعندي دخيلك مابقه بجيبي فلوس آچفيني شرك ..
گله الولد : براحتك ، لعد راح أصيح ..
الرجال طلع 100 ألف وآنطاهن للولد وأخذ الديچ ..
ههههههه خو ماطولتها عليكم ؟ !
ورَه شويه الولد گال للرجال : تبيع الديچ .
گله : هاك أخذه بلاش عمي بس خلصني ..
ورَه فتره أجت المريّة ، فتحت الباب ..
گالت للولد : أطلع بسرعه ، وطلع الولد يركض ، وطلع وراه الرجال ..
الولد راح آشترى طوبه وعزم أصدقائه بالمطعم
وبقنْ عنده فلوس والديچ همْ بقه أله ..
راح للبيت لگه أبوه عيونه تتجادح نار !..
گله : يابه تشتري الديچ ؟
أبوه گله : كلب أبن الكلب .. ماكفتك الـ 150 اللّي أخذتهن مني بالكنتور؟
گله : يابه .. تشتري الديچ لو أگول لأمي ؟ !
[ الرّجـال طلــــع أبـــوه ] !!! .

* الحوار هو باللّهجة العراقيّة ـ البغداديّة ! . 
الرجوع الى أعلى الصفحة اذهب الى الأسفل
 
♣ ولد يريد يشتري طوبة ( كرة ) !!! ♣
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى يسوع المخلص :: مطبخكِ.الالعاب. اضحك. :: الالعاب والمقالب المضحكة. :: منتدى اضحك تضحك لك الدنيا.-
انتقل الى: