حكمــــــــــــــه ام

دخلت الأم المطبخ لاقت بنتها بتعيط
سألتها : مالك؟
كانت البنت حزينة لآخر مدى
وردت قالت لأمها: النهاردة اسوأ يوم في حياتي,
...أكيد مفيش حد في الدنيا دي تعيس قدي!!
أمها سألتها: طيب إيه اللي حصل؟
البنت ردت: أنا خسرت المسابقة اللي كنت داخلاها
وضاع تعب السنة كلها في لحظات
وأقرب صاحبة ليا خانت العِشرة وأساءت ليا
حتى شريف الطفل الصغير اللي كنت بزوره دايماً في دار الأيتام اللي جنبنا,
عرفت إنهم حجزوه في المستشفى وهاياخد علاج كيماوي
مش عارفة ليه بيحصل كده؟
أنا ماعملتش حاجة في حياتي أستاهل عليها كده؟
بيقولوا الأم الشاطرة بتعرف إزاى ترسم الإبتسامة على شفايف ولادها
الأم كانت عارفة قد إيه بنتها دي بتحب أوي التورتة اللي هى بتعملها,
فقالت لبنتها.. تحبي أعملك تورتة مـ اللي بتحبيها؟
البنت قالت لها طبعاً
الأم جابت الحاجات اللي بيتعمل منها التورتة,
وقالت لبنتها: تشربي شوية زيت؟
البنت استغربت اوي وقالت لها: ماما انتي بتهزري!!
شوية وامها قالت لها: طيب كُلي شوية الدقيق الأبيض ده!
البنت برّقت أوي وقالت لها: في إيه يا أمي هو ده يتاكل؟
راحت الأم قايلة لها: طيب شوية الفانيليا علي البيض ده تقدري تشربيهم؟
البنت قالت لها: أمي اكيد هيحصل حاجة في معدتي و طعمهم أكيد وِحش!
هنا أمها قالت لها..
كل الحاجات اللي إنتي رفضتيها و(بتكرهيها) دي
لما تتحط على بعض ونزيد عليها نار كمان بتبقى في الآخر التورتة اللي إنتي (بتحبيها!)ـ
ولله المثل الاعلي .. ربنا بيعاملنا كده
كتير أوقات تحصل لنا حاجات صعبة ومؤلمة
وبنبقى ناقمين علي الظروف والدنيا ومش فاهمين كل الحاجات دي بتحصل لنا ليه
بس الحاجات دي ممكن تكون هى نفسها, سبب في شىء في المستقبل أجمل وأحلى ماتخيلناهوش ولا كنا متوقعينه!
كل شىء بيحصل لحكمة
ربنا بيحبنااااا اووووووى

مشكلتنا باننا نعبد الرب ولا نثق فيه او في حكمته
فلنسلمه ذاتنا بالكامل لانه اخبر بمصلحتنا من انفسنا
مشكورة للقصة المعبرة

جميل اوي القصه دي
فعلا حكمه ربنا غريبه واموره عجيبه
بس كل اللي يهمنا انه بيتحرك في الميعاد الصحييح

KALIMOOO كتب:: مشكلتنا باننا نعبد الرب ولا نثق فيه او في حكمته
فلنسلمه ذاتنا بالكامل لانه اخبر بمصلحتنا من انفسنا
مشكورة للقصة المعبرة

فلنسلمه ذاتنا بالكامل لانه اخبر بمصلحتنا من انفسنا

ميرسى كتير للمرور المميز

عجبنى كتير الرد

الرب يبارك حياتك

better of maro كتب:: جميل اوي القصه دي
فعلا حكمه ربنا غريبه واموره عجيبه
بس كل اللي يهمنا انه بيتحرك في الميعاد الصحييح

تمام مارو

مشكوره لمرورك الجميل

الرب يبارك حياتك

نورتى يا قمررررر

قصه حلوه اوى ومعبره اوووووى
ميرسى ليكى ربنا يباركك

ميرسى مارينا

كل الشكر لمرورك الجميل

الرب يبارك حياتك