مطبات وهمشيهــــــــــــــــــا

مايكل سامي يكتب : مطبات وهمشيها
------------------------------​--------------
مش هقول كم واحد بيمر بضيق نفسي عشان عارف ان كتير هيقول انا
وانا اولكم صدقوني

بس لما بقعد مع نفسي كده وافكر واقول
طالما ربنا خالقني وبيحبني وبيخاف عليا
وبيسمع صمتي قبل صراخي

طيب ليه اخاف وارتعب ؟؟؟

زي ولد باباه كان بيعلمه سواقة العربيات .. والولد كان ماشي علي طول في طريق مستقيم
الولد اختار طريق سهل مش فيه مطبات وقرر يمشي فيه

راح باباه قاله ادخل الشارع الجاي شمال

الولد قاله يابابا الطريق مكسر وهيبوظ العربية
ابوه قاله ايه ؟؟
قاله ملكش دعوة ادخل وجمد قلبك

وبعد مادخل اكتشف ان الشارع مكسر صحيح بس مختصر جدا جدا ووفر ليهم لفة طويلة هما في غني عنها

ربنا ممكن يخليك تمشي في حته مكسرة شوية بس عشان خاطر حاجتين

اولا عشان يعلمك ازاي تقدر تمشي في الطرق الصعبه وتقدر تحتملها

ثانيا عشان الطرق المكسرة دي بتكون مختصرة جدا للهدف الجميل اللي ربنا شايلهولنا


انا يارب من انهارده هسوق وانا ساكت
تقولي شمال همشي شمال تقولي يمين همشي يمين
حتي لو فيه مطبات انت حر بقي
انتم هيكل الله ... يعني انا ملكك وجسدي ملكك
واكيد مش هخاف عليه اكتر منك

ما يحلوا يا الهي في عينيك افعله لي وانا بين يديك

أنا من انهارده قررت اقود سيارة حياتي في صمت وافعل ما يقولي لي الله