مذكرات مرمر

أول يوم

انهارده كان يوم متعب جدا جدا … انا مش هاطول في الكلام علشان نفسي اناااام …الحكاية بتاعت انهارده بدأت حوالي من كام يوم .. بالظبط بالظبط من يوم الجمعة إللي فاتت و احنا راجعيين من عند تيتا نعمة .. بابا و ماما اشترولنا انا و ديفيد و ليزا إخواتي شنط جديدة علشان المدرسة .. و بعدين يوم التلات إللي فات بابا اشترى كراريس و كشاكيل و اقلام .. و جابلي مقلمة حلوة خالص مرسوم عليها بوو بتاعت فيلم شركة المرعبين إللي أنا باحبه موت .. و بعدين امبارح ماما نومتنا بدري علشان المدرسة .. طبعا ما جاليش نوم على طول علشان أنا مش متعودة انام بدري .. فقعدت ارغي مع ليزا لغاية ما نعست .. و بابا صحاني الصبح بدري خالص الساعة ستة و نص و شربت اللبن و ماما ساعدتني في لبس الحاجات الجديدة النضيفة … و رحت المدرسة و كان أول يوم لي في سنة تالتة و دخلتلنا ميس حلوة خالص اسمها سالي بتدي إنجليزي .. الميس دي لما رحتلها و قولتلها إني عايزة أقعد جنب مارينا صحبتي .. وافقت و نقلتني … واخدت تلات دروس جديدة .. و يا عيني عليكي يا مرمر الواجب كان قد الفيل ما يتحلش في يوم .. لكن اعمل ايه لازم أحله … أنا مبسوطة علشان قعدت جنب مارينا صحبتي و علشان الشنطة الحلوة بتاعتي و علشان قابلت أصحابي و لعبنا مع بعض في الفسحة .

نفسي أروح المدرسة بكرة علشان أقابل الميس سالي ….. مش قادرة أكمل علشان انا هاموت نوووووم . باي

مرمر

حلوه المذكره دى يا مارو
عسوله البنوته دى
ميرسى يا سكر

جميل بيتر مارو

شكرااااا جزيلا

ربنا يبارك مجهودك

جميل مارو

المذكرات دى

لو فى منها تانى

متابعه

الرب يبارك مجهودك