بقالى كتير مجتش هنا
****************
دخلت الاوضه كعادتى
ببص وكأنى اول مره ادخلها
بصيت لقيت ركن ضلمه
بصيت عليه كتير
لقيته ركن الصلاه
قربت منه اكتر
لقيت على التربيزة انجيل واجبيه
الانجيل عليه تراب كتير
والاجبيه متقطعه من اخويا الصغير
ده كله غير الصور والبراويز
صورة المسيح اللى مليان حنان
كأنها بتقولى يسوع منك زعلان
بصيت على الصور مليانه تراب
شوفت فيها كل كدبه وكل غلطه
غلطها فى حق ابويا الحبيب يسوع
قولتله تصدق عندك حق
انا بقالى كتير بعيد عنك
بقالى كتير مقعدش معاك
ليك حق تزعل منى
ما انا يامه جيت عليك
ارجوك ياربى بلاش بصه اللوم ديه
انا مستحملش اشوفك كده زعلان منى
مسحت الصورة بأيديا ومسحت الانجيل
مسحت ووضبت المكان من جديد
ووقفت قولتله انا اسف
ونضف قلبى انت ... زى ما انا نضفت المكان ده
ارجوك يارب سامحنى انا اسف
معدش اعمل كده تانى
ولا اسيب قاعد لوحدك فى مكانى
************************************
يالا بسرعه كل واحد فينا يجرى على مكان صلاته
ويبص على الاجبيه وانجيله
شوفهم وهتعرف اذا كنت مواظب على الصلاه والانجيل ولا لا
واهم حاجه بص عليها صورة المسيح اللى بتصلى قدامها
ومتنساش تركز فى عينه وحاول تشوف نظرته ليك
ممكن تشوفها نظره حنان نظره عتاب نظره زعل نظرة لوم نظره حب
يالا اجرى على مكان صلاتك وكل واحد يقولى شاف ايه وعمل ايه
*************************************
الرئيسية
أحدث الصور
التسجيل
دخول
موضوع: بقالى كتير مجتش هنا **************** 
الإثنين يناير 30, 2012 4:36 pm
الموقع
