ليه ربنا بيسمحلى انى اختار حد واحبه واتعلق بيه وفى الاخر ميكونش فيه نصيب واتعب انا و هى !!؟

[ندعوك للتسجيل في المنتدى أو التعريف بنفسك لمعاينة هذه الصورة]

مره شاب راح لاب اعترافه وسأله وقاله " ليه ربنا بيسمحلى انى اختار حد واحبه واتعلق بيه وفى الاخر ميكونش فيه نصيب واتعب انا و هى !!؟ "

فابونا قاله حاضر هقولك بس فى الاول هاتلى ورقة وقلم من جوا ع المكتب وتعالى اقعد جنبى ,., راح الشاب دخل بسرعه وجاب قلم و ورقة لابونا وقعد جنبه . . .

راح ابونا مسك الورقة والقلم وجه يكتب راح لقى سن القلم مكسور , فقاله سن القلم مكسور ومش هعرف اكتب بيه انت مش اخدت بالك ليه ! ادخل يلا هاتلى قلم تانى .

دخل وجابله قلم تانى وجه , وابونا مسك القلم ولسه هيكتب فى الورقة لقى ان القلم طافح , فقاله القلم بايظ خالص انت ازاى ماختش بالك منه ! ادخل يلا هاتلى قلم تانى .

دخل وجابله قلم تانى و جه لابونا ، ابونا مسك القلم وبيبص ع القلم لقى القلم فاضى , فقاله القلم فاضى انت ليه ماختش بالك كويس , ادخل هاتلى قلم تانى .

راح دخل الشاب وقعد يدور كويس ع احسن واحلى قلم , وجابه لابونا وقعد جنبه . . .

ابونا قاله بص يا حبيبى انت صحيح تعبت لما كنت كل شويه بتدخل تجيب قلم وتيجى بس فى الاخر عرفت تختار احسن واجمل قلم نكتب بيه ,., وربنا كمان بيسمحلك انك تتعب وتختار غلط فى البدايه وتكسب خبرة عشان فى الاخر تقدر تختار احسن قلم تكتب و ترسم بيه حياتك :

يــا رب تكـون عجبتـكـم وتكـون سـبب تـعزيـه لنــاس كتـيـرة

ميرسى على القصه المعبره رينيه
ربنا يباركك

يا حبيبى انت صحيح تعبت لما كنت كل شويه بتدخل تجيب قلم وتيجى بس فى الاخر عرفت تختار احسن واجمل قلم نكتب بيه ,., وربنا كمان بيسمحلك انك تتعب وتختار غلط فى البدايه وتكسب خبرة عشان فى الاخر تقدر تختار احسن قلم Wink

تكتب و ترسم بيه حياتك :

متميزة هالقصة

وفيها عبرة روحية

يارب كلنا نستفيد ونعمل بيها

ميرسي ياقمر

رائعة وجميلة ياسكرة
مشكوررة كتيرر رينيه
الرب يباركك