كان بينا ســــــــور كبير لكن هو هده

كانت علاقتنا ماشيه تمام
كل يوم ما بينا كلام
ان خرجت بيكون معايا
ان زعلت بيزعل معايا
احكيله تفاصيل يومى وكانى مشوفتهوش طول اليوم
على الرغم من انه كان ويايا

كنا اصحاب اوى اوى ومتفاهمين
مفيش حاجه اقولها غير ويرد عليا
حسيت انى بمر بأحلى ايام حياتى
حتى لو جاتلى حاجه تنكد عليا
اجرى عليه واقوله ... الاقيه بسرعه يرد عليا

وفى مره كعادتى بتكلم معاه
بحكيله على اللى حصل واللى نفسى فيه
ووسط الكلام طلبت طلب
اصل انا على طول طلباتى كتير

وهو ابويا ومتعوده ادلع عليه
اطلب الطلب وعمره ما يخذلنى
وكان ديماا على طول يبعتلى اللى يفهمنى

بس المره ديه طلبى شكله معجبهوش
مره واتنين اقوله
حسيته مش سامعنى
كنت عارفه ان الطلب مش عاجبه
بس قولت كل شئ تحت السموات وقت

ويعدى يوم واتنين ويبعت رده يقول انا رافض
كل حاجه حواليا بتقول انه رافض

وانا اقول معلش ومش عاوزة اصدق انه رافض
واقول كل شئ تحت السموات وقت

وفى مره بعتلى رده بشكل من الاشكال
كأنه بيعلن انه رافض تماما يعنى انا محاولش تانى

زعلت ...قعدت يوم واتنين مبكلمهوش
وبقينا اغراب عن بعض
قولت احاول اكلمه اعاتبه
بس مقدرتش
بس حاولت تانى وقولتله انت خذلتنى
انا مش واخده ع كده منك
كده متردش عليا
طب احنا متعودين تقولى سبب رفضك
كلمته كتير
لكن كنت حاسه ان فيه سور كبير مابينا

قولتله رجعنى ليك من تانى
زى ما كنا بنتكلم
انا مش قادره اعمل حاجه اكتر من كده
رجعنى ليك وقولى ايه سبب رفضك

بعديها بكام يوم
وانا كنت طبعا مخصماه
لقيته بعتلى حاجه احلى بكتير
زى ما يكون بيقولى انا رفضت عشان اديكى الاحسن
وزى ما يكون كان عاوز يعلمنى حياه التسليم والثقه اللى بجد

جريت على صورته واخدتها فى حضنى
قولتله وحشتنى
واخير السور اللى ما بينا اتكسر
ورجعت اتكلم من تانى معاك
وحشتنى
-------------------------------------

تأمــــلاّت في غايـة الرّوعـة والجمــــال !
تسلمي النا مديرتنـــا الغالية رينــــة !
خالص ودّنـا وتقديرنـــــا .

فعلا تأمل اكتر من رائع
مشكورة مديرتنا

جميل هاد التامل اشكرك جدا

» الولايات المتحدة تحظر إستيراد الكلاب من 113 دولة من بينا مصر .
» مفتش كبير
» ∰ ضابط أسـرائيلي كبير يصــــرّح ..... ∰
» ♣ قصّـة قديمـة .. لها معنــى كبير ! ♣
» كبير العيله و امير السلام