قصيدة : لا يا قلبى
لا يا قلبى أوعى لشرك تعود
وتعيش على هواك
وتسكن الخطية جواك
... والشر عليك يسود
إفتكر رب الجنود
عيش ليه
إرفعه وعليه
عظم رب الوجود
حطم بيه أقوى القيود
عدى بيه أعلى السدود
لأنه هو اللى عنده تحقيق الأمال
حتى لو كان الأمر صعب أو محال
ولو القارب بيك مال
الحماية عنده أكيد مش احتمال
واوعى غيره يملكك ويتحكم فيك
هيزلك ويدوس عليك
هتعيش طول عمرك أسير
ويموت عندك الضمير
وتفقد الإحساس بالغير
وهتنسى الرب القدير
واوعى تكون أنانى
وسيبك من العالم الفانى
اخدت ايه من شهواته
غير أحزانك واحزانى
لا يا قلبى أوعى تبعد عن ربى وتنساه
اوعى تنسى ان أحلى أيامى عشتها معاه
ده هو الغالى ده حبه خلاه
علشانى يتألم و يموت
علشان يدخلنى الملكوت
وأتهنى بالعيشه معاه فى سماه
كلمات / الشاعر أيمن نادى أسحق
الرئيسية
أحدث الصور
التسجيل
دخول
موضوع: قصيدة لا يا قلبى للشاعر ايمن نادى 
الإثنين ديسمبر 10, 2012 8:03 am
