عندى ميعاد ونازل مستعجل
*-*-*-*-*-*-*-*-*-*-*-*
اول ما صحيت من النوم
ناديت على ماما
يا ماما حضرى الفطار
عشان عاوز افطر وانزل اوام
قومت فطرت بسرعه اوام
عاوز انزل واروح لصحابى
نعلب ونخرج واحلى كلام
وصوت يقولى : كده مش بتشكرى
كده مش بتصبح عليا
نسيت تقولى صباح الخير وتشكرنى على ان الليل عدى والنهار جه
نسيت تشكرنى على الفطار ونعمته
قولت وده دلوقتى انا عاوز انزل
يرد يقولى : انا عاوز اعد معاك
قولت : طب استنانى هنزل بسرعه وهرجع تانى
قالى : انا خايف عليك ترجع متلقنيش
خايف عليك تعدى حياتك من غير ما تكلمنى
قولتله متقلقش قبل ما هتمشى هكون رجعت
خرجت وسيبته بيكلمنى معرفش هو بيقول ايه
وانا نازل رايح لصاحبى كانت هدوسنى العربيه
رجعت البيت قولت اشوفه قبل ما يمشى
ما انا فهمت رسالته انى فى اى وقت ممكن روحى تمشى
واول ما رجعت دورت عليه يمين وشمال فوق وتحت
الصوت اختفى وكأن مفيش حد
فجأه لقيت الانجيل قدامى
فتحته لقيت الايه اللى بتقول " توبوا لانه قد اقترب ملكوت السموات "
قفلت الانجيل وبكيت وبكيت وقدمت توبه من جديد سامحنى يارب
--------------------------------------------------------------------------------
الموضوع ده ممكن يكون رساله من ربنا
يا ترى بعد ما قريته وعرفت انك ممكن تسافر فى اى وقت
يا ترى هتقدم توبه حقيقه من قلبك
ولا هتقدم توبه اى كلام وترجع للى كان
ولا هيعدى عليك موضوع زى اى موضوع ومفيش جديد
سؤال محتاج تفكير وقبل التفكير يكون فيه فعل
---------------------------------------------------------------------------------------
الرئيسية
أحدث الصور
التسجيل
دخول
موضوع: عندى ميعاد ونازل مستعجل 
الإثنين سبتمبر 05, 2011 9:52 pm
الموقع
