تعارف على النت

انا مش بلوم الناس اللي ممكن يدور مابينهم حوار علي النت لاني انا شخصيا كونت صداقات كتيرة من علي النت .. ( صداقات اعتز بها )
ولكن انا كلامي للعلاقات العاطفية اللي بتتم من علي النت

ممكن علاقة عاطفية تبدأ من علي النت وتنتهي بأرتباط حقيقي ولكن بنسبة قليلة
لأن للأسف في الغالب لما اتنين يرتاحوا لبعض من علي النت ويتبادلوا الأحاديث الرومانسية
جايز اوي انهم لما يشوفوا بعض ميرتحوش لأن كل واحد بيكون صورة معينه في خياله للطرف التاني

مجرد مايحصل لقاء بينهم يشعر احد الأطراف ان مش ده الشخص اللي كان بيكلمه علي النت ...

من حيث الشكل : طويل - رفيع - تخين - قصير
الدغ في بعض الحروف - بشرته فاتحه - بشرته غامقة

من حيث الأسلوب : يجد تعبيرات الوجه في الكلام التي يراها لأول مرة لان كل التعامل كان مابين اطراف اصابع علي لوحة مفاتيح فقط
وممكن هذه التعبيرات مش تنال اعجاب الطرف الأخر

هتقولي مانا بكون شايف صورة الطرف التاني قبل ماقابله
دايما الانسان بيحط علي النت افضل صور ليه هو شايفها من وجهة نظرة انها اجمل ماعنده

متقنعنيش ان الواحد فينا بيختار الصورة اللي شكله فيها مش قوي او اللي الكدر فيها مكنش مظبوط ويحطها علي النت

فبالتالي احد الاطراف بيتصدم في الطرف الاخر وبيحس انه اتسرع لما طلب المقابله وكمان بقي بتكون المأساه الحقيقيه لو الكلام مابينهم كان لمدة شهور وفجأة ومن مقابله واحده احد الاطراف بيتراجع وينسحب والتاني بيتعب بعد ماتعلق بيه

دي من اكبر المشاكل في تبادل العاطفه عبر النت لأن كل واحد بيرسم للطرف التاني صورة معينه .. ولكن بعد المقابله بيتصدم في شخصية جديده ...
صحيح نفس المشاعر اللي علي النت ولكن مغلفه بجسد جديد لم يكن يتوقع صورته هذه

في مرة واحده كلمت واحد علي النت ولما قابلته لقت طريقة لبسه مش حلوة واسلوبه في الكلام مش رقيق .. وكانت عايزة تنهي المقابله بسرعه وتروح .. وطبعا الغلبان كان اتعلق بيها جدا واول ماروح قالتله خلينا اصحاب .. وصدقوني بيحصل

هتقولولي اللي بيحب حد مش بيهتم بالمظهر .. هقولكم اوك ولكن بنسبة 5 % اللي بيكون من النوع ده .. ولكن في الاغلب الكل بيختار بعناية الشخص اللي يحب يكمل معاه حياته

هتقولولي طيب والحل

هو النت وسيله للتعارف بشكل سريع وبتكسر حواجز كتير منها حاجز الخجل اللي بيكون في بداية التعارف بين اي اتنين بيتعرفوا علي بعض وجه لوجه
ولكن النت يعتبر مفهوش حاجز الخجل ده لان هناك حاجز الشاشه اللي مابينك وبينه كفيلة انها تكسر اي حواجز للخجل في الكلام

- لو فيه قبول مابين اتنين والموضوع كان جد مش مجرد تسالي وتضييع وقت
يستحسن يبقي في مقابله في اي كنيسة وفي موعد تكون الكنيسة مليانه ناس
ويكون بعد التعارف علي النت والأرتياح المبدئي بفترة قصيرة
حتي لا تزداد العاطفه ثم تنهار من جديد عندما يترك احدها الأخر

واهم شئ ان تكون المقابله بعلم من الأسرة
فما بني علي باطل فهو باطل ... فكن امين حتي يبارك لك الرب في اختيارك

دي مجرد وجهة نظري في الارتباط من علي النت وقد تتفق معي او تختلف

مايكل سامي

جميله اوى وجهه النظر دى يا سوسو
مهم اوى الاهل يعرفوا بالعلاقه دى بعد
ما يتقابلوا طبعا
لان رأيهم مهم اوى انا اعرف واحده صحبتى اتعرفت
على حد من على النت وكانوا بيتقابلوا عادى معانا
فى الجامعه او فى الكنيسه
بصوا بجد كان بيجيلها من اخر الدنيا علشان يشوفها
وكان حد كويس حبوا بعض اربع سنين فى الجامعه
ولما قالت لاهلها رفضوا الموضوع خالص
وهما دلوقت ربنا معاهم يعنى مش كنت عارفه اعملها ايه
لما انهت الموضوع معاه بس هى قالتله كده وهى مش قادره
اصلا تعبت اكتر منه
فهى لحد دلوقت اصلا مش عارفه تنساه ولا هو عارف ينساها
ربنا معاهم
_______________________________
ميرسى يا سكر لطرحك الموضوع
وتقيييم

عارفه يا رينه موقف صحبتك ده حصل قدامى

بس بقى دول وصلت انهم اتخطبوا فتره وامها كانت رافضه تماما

وصممت انها تفسخ الخطوبه وناس بعتت للكهنه تدخل

الرد ان لو كان ليهم نصيب مع بعض هيشيل اى شئ يعوق الموضوع

اهم شئ ان نكون حاطيين حياتنا وارادتنا كلها بين ايديه

المهم ان الخطوبه اتفسخت وكل واحد بيبكى ويقول خلاص انا هفسخ الخطوبه ومش هتجوز

اللى حصل ان بعد كده كل واحد ربنا بعتله الانسان اللى يناسبه

هو اتجوز بحد تانى

وهى كمان اتجوزت ومبسوطين فى حياتهم

=====================

وانا بردوا من رائى اى شئ يتم يكون البيت متدخل فيه مش علشان حاجه علشان الدنيا تبقى فى النور وتتوجه صح

================

ميرسى يا قمر

نورتى الموضوع بردك الجميل

وربنا معاكى ومع صحبتك وتشوف حكمه ربنا ايه فى حياتها

موضوع مهم جدا حتى انه من اهم المواضيع التي تعالج المشاكل وخصوصاً ان اكثريو وقتنا وتعارفنا بيكون على النت

تمام النصيحة يجب على الانسان ضبط عواطفه ضمن حدود لغاية ما يستطيع مقابلة الشخص الاخر
عندها وبعد التعارف طبعاً وكل يختار التعارف حسب بيئته وتربيته وعاداته

موضوع اكتر من رائع واكتر من مهم
مشكوره سوسو
وطبعاً تقييم

مشكور مرورك

نورت الموضوع

الرب يبارك حياتك

انا بخاف من تعارف النت
ببقى دايمة واخدة حذري من اني
اطور علاقتى بخليها ضمن حدود
ميرسى يا قمرة موضوع مهم

مشكوره رجا

نورتى الموضوع

الرب يبارك حياتك

بصي حبيبتى
انا اتعرفت على تلات ولاد على النت كنت مهيأة روحى انه كذاب عشان مش اتصدم
وهو يبراء نفسه لو عايز
هههههههههههههه
الولد الاخير براء نفسه ودى الوقت بيزورنا بالبيت
وممكن نخطب
هههههههههه
المهم مش تضع البنت كل عواطفها بالمكان ده تحسب حساب ممكن الواد كمان مش كداب
لكن مش قادر ماديا او اي شيء ده على شان مش تتصدم عاده الولاد مش بيتصدمو متعودين يكدبوا علينا
ههههههههههههههههه

هههههههههههههههههههه

ميرسى شيرى لمرورك الجميل

وربنا يكملك على خير

وابقى فرحينا معاكى

نورتى الموضوع

Smile

موضوع جميل ميرسى انجيل ربنا يبارك حياتك

مشكوره كيرمينا

نورتى الموضوع

الرب يباركك

» تعارف الانترنت
» التعارف عبر النت
» الحب عن طريق النت
» اااااااااااااااااااااااه من النت
» شو رأيكم بحب النت