12 لعبة خفيفة

موضوع: 12 لعبة خفيفة الجمعة يناير 13, 2012 6:02 pm

1- لعبة أبانا الذي
دي لعبة سهلة بس بتلغبط الأول تقسمي فريقين و واحد واحد يقول كلمة واحدة بس من أبانا الذي يعني رقم واحد يقول أبانا الثاني يقول الذي الثالث يقول في الرابع يقول السموات وهكذا لحد ما يتلغبطوا لما تجربيها هتلاقيها حلوة وهتلاقيهم يتلغبطوا ويعدوا يضحكوا مع بعض وهكذا

2- لعبة لعازر
كل فريق ياخد منه واحد ويمثل لعازر و فريقه يلفه بورق مناديل ورق حتي راسه يعني يكفنوه وطبعا صاحبنا اللي هو قايم بدور لعازر لو اتحرك 1/4 حركة جزء من المناديل يتقطع والخ الفريق الفائز ياخد نقطة واللعبة دي لن يفوز فيها اي منهم

3-البلونات
في كذا لعبة بالبلونات الأولي :
عمل صف بالبلونات معلق والمتسابقين يحطوا دبوس في فمهم ويحاولوا يفرقعوا البلالين طبعا الموضوع مش سهل زى كتابته لا ن في محاولتهم للوصول للبلونة بالاعلي البلونة كمان بتطلع والمفاجأة انك هتكون محضر بلونة جواها دقيق ولما تفرقع هتبهدل اللي فرقعها ونصيحة تكون راسم علي البلالين علشان مايبانش الاختلاف والدقيق باين

الثانية نفس فكرة فرقعة البلونات ولكن المرة دي تحت مش فوق

4- صنع شخصيه : اختار 4 لاعبين 2 من كل فريق لو كان و فريقين و حضر معاك ورق جرايد كتير وكل واحد يقف وقدامه زميله من نفس فريقه ويحاول تصميم لبس شخصيه معيينه ( روب طبيب _ قبعه مهندس _ اسدال منقب و دى من اكتر الحاجات الى موتتنا من الضحك ولد صمم على زميله اسدال

5- القفز بقدم واحده اختار اتنين من كل فريق مع ربط القدم اليسرى باليمنى للاثنين وتبقى القديمن الخرجين حرتين ويقوم المتسابقون بالقفز على القدم الخارجية مع فع القدمين المربوطتين من على الأرض ويفضل إن تكون على الشاطئ لتفادى الإصابات

6- تسابق أكل الخيار الترنشات اختار 2 من كل فريق احدهم يمسك طبق الخيار والأخر يده خلف ظهره يمسك بالشوكة ويغرسها في الطبق ثم يناول زميله ليأكلها وتحسب بالوقت كل فريق على حده

7- تجيب كور بينج ومعاك بلاستك واطباق بلاستك وتخلى الاولاد تحط المعلقة في بئهم وتكون اديهم وراء ظهرهم ويمسكوا الكورة بالمعلقة ويحاولوا انهم يوصلوها للناحية التانية او الخادم اللي مشارك معاهم في اللعبة

8- وفى لعبة تانية حلوة ولزيزة بس محتاجة مجهود شوية علشان تتعمل هى السلم والثعبان بتبقى عبارة عن مشمع كبير وعلية الارقام وصور للثعبان والسلم ويكون النرد عبارة عن كرتونة مربعة مغلفة بالفوم او الكرتون بس الجامد

9- وفى واحدة كمان هى تجيب مسدسات مية صغيرة وشمع و تثبت الشمع على طرابيزة او كرسى وتولع الشمع ويحاول الولد أنة يطفئ الشمعة بالمية اللي في المسدس

10- مكن لعبة البسكويت وهى اتنين كيس بسكويت وللولدين قدام بعض ويسابقوا مع بعض مين اللي يخلص البسكويت الأول وممكن برضة البيبسى بس دى عايزة سنة تانية علشان يقدروا يشلوا الزجاجة لوحدهم بس ببقهم ويرفعوها ويخلصوها قبل بعض

11- مصاصة ويكون مربوط بيها اربع او خمس فتلات وخمس أولاد كل ولد يمسك فتلة ويحاول انة يوصل للمصاصة الأول وتكون ايدة ورا ظهرة طبعا

12- لعبة وهى لعبة الأوامر والبالونات وهى تحط أمر في بلونى وتوزع البلالين على مجموعة أولاد ويكون فيها أوامر زى أية بحرف معين -ترنيمة بحرف معين-تطلب منة أمر معين نظارة خادمة مثلا وهكذا الأوامر ولازم الخادم يساعد طبعا في تنفيذ الأوامر اللي تخص الخدام

حلوه كتير يا قمر

الرب يبارك حياتك

ميرسى كتير يا سكره

ربنا يتمجد فى حياتك

موضوع: رد: 12 لعبة خفيفة السبت يناير 14, 2012 1:24 am

حلوه الالعاب دي اوي يا سكر الف شكر

موضوع: رد: 12 لعبة خفيفة السبت يناير 14, 2012 2:23 pm

better of maro كتب:: حلوه الالعاب دي اوي يا سكر الف شكر

ميرسى يا سكره لمرورك العطر

لعب حلوه اووووووي
ميرسيي ليكي يا قمر

Nena98 كتب:: لعب حلوه اووووووي
ميرسيي ليكي يا قمر

ميرسى يا سكره

ربنا يتمجد فى حياتك

» لعبة إجمع رزقك
» لعبة الكرة و الأكواب
» لعبة الكرة و الزجاجة
» لعبة نشن في الشبكة
» ♪ ♫ لعبة ألة الزمن ♫ ♪