كلمات ترنيمة مصر بتندهك

كلمات ترنيمة مصر بتندهك

أرضها الطَّاهره ونيلها
كل شبر مشيت عليه
رملها حتى ونجيلها
إنت جيت وبارِكت فيه

وسايب وعد بالبَركه
لشعبك إللى جوَّاها
سامحنى . إزاى بقى بتِرضَى
بأوجاعها وشكواها
***
يارب مصر بتندهك .. إبعت لمصر سلام

سايبين بلادنا بين إيديك .. وده آَأْمَن مَكان

***
فيه ديابة كتير جعانه
سَنَّه أنيابها الوحوش
فيه أسَد غالب معانا
غيرُه مين عَنَّا يِحُوش

بيوتَك فيها إحميها
خرافَك يا آبو قلب كبير
عَشان إنت مِراعيها
يناموا ويصبَحوا على خير

***

كُل شارِع كُل حِتَّة

صَحَرا أو وادى وِدِلتا

يا إلهنا باركهم إنتَ

رجَّع الأفراح لِمَصر

شِيل دُمُوعها مِن عينيها

شيل حُمُولها مِن عَليها

طَمِّن النَّاس إللى فيها

حَوِّل خُسارِتهُم لِنَصر
[

جميلة يا سوسو

واحلى تقييم

ميرسى ليك

نورت الموضوع