قولتله ليه يارب

♥♠♫♥♠♫♥♠♫♥♠♫

فى مره مخنوقه
وعندى مشاكل متلتله
شايفه انى معملتش حاجه

اعدت ابكى وببص قدامى !! لقيت صورته
قولتله انا زعلانه منك
كده يارب
شايف المشاكل وساكت
يعنى انا بطلت اعمل مشاكل
الاقيها ورايا ورايا

عاتبته
وعتابى كالعادة قاسى

قولتله انا بنتك وغاليه عليك
ازاى تسبنى كده
ليه يارب سمحت بكده
ولا انت بتحب تشوفنى كده
لالا انا زعلانه منك
مكنتش متوقعه منك كده

بكيت وبكيت
وكل اللى على لسانى
قولى يارب ليه كده ؟؟؟؟

شويه وهديت
وخرجت من اوضتى
لقيت ماما زعلانه منى
اتريها كانت طالبه منى طلب ونسيت اعمله
بصراحه نفضت
هو انا فى ايه ولا فى ايه

قولت اكلم صاحبتى
لقيتها هى كمان زعلانه منى
مالك يا بنتى فى ايه
قالتلى يعنى انتى مش فاكره قولتى ايه
اترينى اتنرفزت عليها وقولت كلام زعلها
برضوا كبرت دماغى
انا فى ايه ولا فى ايه

لقيت التاسونى بتتصل بيا
بتقول ابونا جاى بكره ياخد اعترافتنا
قوليلى يا ميرو بتصلى
ضحكت وقولتلها لا
طب انتى يا ميرو بتقرى الانجيل
ولسه رايحه اضحك واقولها برضوا لا ....
لقيت
....... لقيت صورة المسيح فى وشى حزينه
قولتلها بحزن بصراحه لا
قالتلى خلاص قعدى مع نفسك
وحاسبى نفسك
عشان تستعدى لاعتراف بكره
قفلت معاها

وشوفت كل حاجه وحشه انا عملتها بتمر قدام عنيا
وافتكرت عتابى القاسى لربنا
جريت على صورته وقولت انا اسفه

انا بعدت عنك وانا مش واخده بالى
واقول معملتش حاجه

بجد انا اسفه يارب سامحنى
كان عتابى قاسى
لكن انت يارب حنين عليا
ديما بتعلمنى وبتفهمنى
مهما ازعلك

خواطر meroo

وااااااااااااااااااااااو
ميرسي كتيييييييييييييييير
حببتي
ربنا يباركك

ميرسى لمرورك المميز يا سكر

ربنا يتمجد فى حياتك

» يارب لا ........
» أنتظرك يارب ...
» يارب ......
» يارب انت فخرى
» يارب ............