كنـــــــــــت بتعمـــــــــل أيــــــــــــــه لما العدرا ظهرت؟؟!!!!
حدوتة جديدة عن شاب حكى عن اليوم اللى ظهرت فيه الست العدرا فى القاهرة...وهسيب الحدوتة تتكلم من فم الشاب ده وبنفس طريقته التلقائية وبدون تنقيح أو أضافة منى..
كتب الشاب وقال:
كنت قاعد زي عادتي في غرفتي الخاصه ادخن السجائر امام الكمبيوتر اتصفح بعض المواقع (الاباحيه) كعادتي.. واعمل شات مع فلانه وفلان.. نتبادل الاحاديث البذيئه..
ورن جرس المنزل طبعا مااعطتش اهميه لانشغالي..
ولكن بعد ثواني اسمع اختي تنادي علي بصوت عالي..وتخبط ع الباب بقوة.. طبعا لاني مشغل اغاني وهيصه.. هسمع ازاي..!!
المهم قمت وفتحت الباب وقلتلها: في ايه براحه؟؟!!!
قالتلي :
الحق العدراه بتظهر في الكنيسه
اخدتني رهبه ومعرفتش ارد وتلجلجت في الكلام مع اختي المهم قلتلها حاضر يلابينا ..انا جي معاكي
وفي دقايق معدوده كنت جاهز ولسرعتى ماقفلتش جهاز الكمبيوتر اكتفيت بأطفاء الشاشه...لاني طبعا هاخد وقت في قفل كل الصفحات دى... مع زن اختي المستمر قفلت الغرفه وجريت معاها...
واحنا في الطريق احسيت بشئ غريب جوايا كان حد بيكلمني ويقولي هتروح تشوف العدرا وانت كلك خطيه..!!! انت غير مستحق ارجع ارجع شوف انت كنت بتعمل ايه..!!!
لكن في لحظه... لقيت نور في السما... قلت لاختي :
شوفي النور والحمامه
بصت اختي وقلتلي:
مفيش حاجه انا مش شايفه حاجه
طلعت الموبيل بتاعي وفضلت اصور طول ماأنا ماشي
لحد ما وصلنا للكنيسه ...مالاقتش انوار ولا حاجه..!
رجعلي التفكير تاني اني مش هشوف حاجه انا مين انا ؟؟!انا همشي
وفي لحظه لقيت ام النور بصورتها الجميله قدامي وهي مبتسمه وفاتحة ذراعيها قدامى..!!
وساعتها صرخت صرخه كبيره :
ام النور ام النور... طبعا كل الناس اتجمعت وقالتلي فين فين؟؟؟
قلتهم ايه انتم مش شايفين..!!! قالولى:لا احنا مش شايفين حاجه اعقل بقى..!!!
قلتلهم: لا انا مش مجنون هي قدامي اهي... في وسط دهشه الناس اللي كلهم بيقولوا مش شايفين حاجه
قلتهم: ايه بجد انتم مش شايفين.. طب بصوا انا بصور اهو شوفوا الفديو طبعا انا كنت مشغل التصوير وانا ماشي وهي قدامي ماشية ومبتسمه
فرحت وقلتهم طب بصوا بصوا... الفيديو اهو واخدوا اليفديو مني ولقيت علامات الدهشه ...لانهم شافوا فعلا ام النور في الفيديو.. وكان في الفيديو صورتهم وكلامهم.. وهما بيكلموني ويقولوا مفيش حاجه
قالوا: يا بختك انت الوحيد اللي شفتها..!
ساعتها عيطت عياط عمري مافى حياتي عيطت زيه حتي لما ماتت امي
وفي وسط فرحة كل الناس اخدت الموبايل ..وجريت علي الكنيسه وطلعت وسجدت قدام الباب وقلتلها :
اشكرك يا ام النور لرسالتك الجميله اللي بعتهالي انا الغير مستحق
واخدت طريق تاني للبيت حتي مستنتش اختي
واول ما روحت خفت لحسن ادخل علي الجهاز عشان امسح الصفح اضعف واعد اتابع وكأن لم يحدث شئ... ولكن بدون تفكير شديت فيشه الجهاز وساعتها ارتحت راحه ودخل قلبي سلامي عمري ما حسيته قبل كده
وقضيت طول الليل مع ام النور اسبح ليها وامجد
واطلب منها ان اللحظه دي متكنش تأثير وقتى للي حصل وان نفسي اكون فعلا من جوايا اتخلصت من كل عادتي الشريره
اذكريني يا ام النور امام عرش النعمه.
+ أصدقائى...
قد أيه حنانك بيخجلنا ياأمى..!
قد أيه تواضعك لينا احنا الغير مستحقين بيخجلنا ياأم الله..!
قد أيه فى كل قصة بنسمعها عنك..بنحس بمدى أشتياقك لتوبة كل أولادك..وشوقك أنك ترجعينا لحضن أبنك..!
ساعدينا على التوبة ياأمى...ساعدينا على أننا نتخلص من شهوات وعادات كتيرة مقيدانا ومشغوليات كتيرة معطلانا..!
لأننا لكل خطية بشوق وأجتهاد أرتكبنا ..ولكل حكم وقاب وعذاب أستوجبنا..فهيئى لنا أسباب التوبة ..فأليكى تضرعنا..وبكى تشفعنا..وأياكى ندعوا لتساعدينا لكيلا نخزى...
آميــــــــــــــــــــــــن
الرئيسية
أحدث الصور
التسجيل
دخول
الموقع
موضوع: كنـــــــــــت بتعمـــــــــل أيــــــــــــــه لما العدرا ظهرت؟؟!!!! 
السبت سبتمبر 08, 2012 9:56 pm
