مهمــــــــــا شوفت بعينيـــــــــــك...سيب ربنا هو اللى يُحكـــــــــم
حكى أب كاهن معاصر...أنه سافر لأحد بلاد المهجر فى زياره قصيرة . وفى يوم راح يشارك فى صلاة القداس بإحد الكنائس ..
وهناك ولما جه وقت لبس الشمامسة للتونية ، لقى ابونا واحد من شمامسة الهيكل وهو بيلبس تونيتة ..وكان شعره طويل جدا لدرجة انه نازل على ظهره... بدأ الشماس فى لم شعرة ولفة كعكة وثبتها بالبنس وراح لبس كمان سورتيت على رأسة علشان يرفع شعره من على جبهته
فبص له أبونا فى تعجب وقال فى نفسة :
الحمد لله أن أولادنا فى مصر ملتزمين ولا يسلكوا مثل هذا الشاب !!! ، وقال فى نفسة :ياترى أكلم الشاب ده بأن منظره ده لا يليق بأولاد المسيح ولا بالهيكل المقدس اللى بيخدم فيه!! .......
لكنه سكت وراجع نفسه وقال أنا ضيف ودى بلاد مهجر ..وكام يوم وامشى.. لكن أبونا طلب من الشاب ده أنه مايوقفش قدامه على المذبح جوه علشان مايشغلهوش بمنظره ده عن القداس..!!
وبعد أنتهاء القداس رجع ابونا لمسكنه ونسي الموضوع .
وتانى يوم زاره ألاب الكاهن راعى كنيسة المهجر الأساسى..وفضل يتكلم مع أبونا الضيف عن خدمات الكنيسة لأولادها فى المهجر..وهكذا...
وبعدين قال الأب الكاهن خادم كنيسة المهجر : على فكرة يا أبونا مش أنتم فى مصر بس إلى عندكم قدسين أحنا كمان عندنا قدسين أنت عارف يا أبى الشماس إلى كان معاك أمبارح فى القداس إللى شعرة طويل أوى دا ......دا قديس عظيم..!!!!!!!!
أستعجب ابونا من الكلام ..وقال له أزاى يعنى يا أبى ؟؟!!!!!!
قاله الأب الراعى:أن الشماس ده هو خادم فى خدمة مرضى السرطان ومن كثرة أحساسة بالآم النفسى الذى يسببة هذا المرض للمرضى بسبب سقوط شعرهم بعد العلاج الكيماوى وحالة الاكتئاب اللى بيصيبهم...و لان البواريك الصناعية مش مظبوطة..وغير عملية و البواريك الطبيعية غالية الثمن جدا جدا هنا راح نذر نذرا انه لا يحلق شعر رأسه غير مرة واحدة كل سنتين وبعدين يذهب بة لاحد صناع هذة البواريك ويدفع ثمن صناعتها ويقدمها لبعض المرضى كعطية حب لهم..!!
.
خجل ابونا جدا من نفسة وعرف أن الله أراد أن يوبخة على أدانته لهذا الشماس أن يعطيهة درساً حتى لا يدين أحد .
وقال لنفسه :
خرجت مدان كالفريسى ..... وخرج الشاب مبررأ كالعشار
+صديقى...
كام مره حكمنا على حد بالظاهر...وأكتشفنا بعدها بالعشرة أننا كنا غلطانين فى حكمنا..!!!
وكام مرة حكم حد علينا من مقابلة واحدة وحسينا أننا أتظلمنا وأحنا مش كده..!!
ياسلااااام...لو كل واحد فينا بص على نفسه وبس...
وياسلاااام أكتر...لو حد جه يحكم على حد قدامك ويعوزك تشترك معاه..تقوم أنت وبكل شجاعة تقوله...ماليش دعوه ده ربنا ساتر عليا ولو كشف ستره ماحدش هيطيق يبص فى وشى..!!
سامحنى ياربى يسوع...على كل مره حكمت فيها على حد...سواء بالحق أو بالباطل...
خلينى دايما زى العشار قدامك أقرع على صدرى وأشعر وأعترف بخطيتى أنا وحدى...
وأثق فى وعدك أنه أن لم أدين غيرى طول حياتى...فأنت أيضاً لن تديننى فى أبديتى....
آميـــــــــــــــــــن
الرئيسية
أحدث الصور
التسجيل
دخول
الموقع
موضوع: مهمــــــــــا شوفت بعينيـــــــــــك...سيب ربنا هو اللى يُحكـــــــــم 
الإثنين سبتمبر 10, 2012 7:20 pm
