∰ كلمات قصيدة : أنتَ عمري ( أغنية لأم كلثوم ) ∰

أنت عمري
***
رجعونى عينيك لأيامى اللي راحوا علموني أندم على الماضي و جراحه
اللي شفته قبل ماتشوفك عينيه عمر ضايع يحسبوه إزاى علىّ
انت عمرى اللي ابتدى بنورك صباحه
***
قد إيه من عمرى قبلك راح و عدى ياحبيبى قد إيه من عمرى راح
ولا شاف القلب قبلك فرحة واحدة ولا داق فى الدنيا غير طعم الجراح
إبتديت دلوقت بس أحب عمري إبتديت دلوقت اخاف لا العمر يجرى
كل فرحة اشتاقها من قبلك خيالي التقاها في فى نور عينيك قلبي وفكري
يا حياة قلبي يا أغلى من حياتي ليه ما قابلنيش هواك ياحبيبي بدرى
اللي شفته قبل ماتشوفك عينيه عمر ضايع يحسبوه إزاى علىّ
انت عمرى اللى ابتدى بنورك صباحه
***
الليالي الحلوة والشوق والمحبة من زمان والقلب شايلهم عشانك
دوق معايا الحب دوق حبه بحبه من حنان قلبي اللي طال شوقه لحنانك
هات عينيك تسرح قي دنيتهم عينيه هات ايديك ترتاح للمستهم ايديه
يا حبيبي تعالى وكفاية اللي فاتنا هو فاتنا يا حبيب الروح شويه
اللي شفته قبل ماتشوفك عينيه عمر ضايع يحسبوه إزاى علي؟
انت عمرى اللي ابتدى بنورك صباحه
***
يا أغلى من أيامي يا أحلى من أحلامي
خدني لحنانك خدني عن الوجود وابعدنى
بعيد بعيد أنا وانت بعيد بعيد وحدينا
ع الحب تصحى أيامنا ع الشوق تنام ليالينا
صالحت بيك أيامى سامحت بيك الزمن
نسيتنى بيك آلامى ونسيت معاك الشجن
رجعونى عينيك لأيامى اللي راحوا علموني أندم على الماضي و جراحه
اللي شفته قبل ماتشوفك عينيه عمر ضايع يحسبوه إزاى علىّ
انت عمري اللي ابتدى بنورك صباحه .
* منقول *

جميلة جداااااااااااا

شكرااااا جزيلا

ربنا يبارك مجهودك

بحبها اوى الغنوه دى

العزيزيـــن
اخي العزيز كاليمــو
أختي العزيزة مارينا مارو
شكراً للمرور الغالي !
اسعدني وجودكــم البهـــي !
خالص تقديري وآعتــزازي .

وأنا كمــان ؛ تعتبر هذه الأغنية { أنتَ عمـري } أحلى اغنيــة
ســمعتها في حياتي !
شكراً اختي الغالية ميـــلاد مكــارم للمشــاركة !
خالص آعتــزازنــــا .

» ∲ كلمات قصيدة / اراك عصيّ الدّمـــــع : اغنية لأم كلثوم ∲
» ♡ كلمات قصيدة : أمــل حياتي ( أغنية لأم كلثــوم ) ♡
» ∲ كلمات أغنية : لُعبـــة الأيّـام * وردة الجزائـريّـــــة * ∲
» ♫ كلمات أغنية : هذه الدّنيا ! ♫
» ♫ كلمات أغنية : اللّيــــلُ يا ليلــــى .. يُعاتبنــــــي !!! ♫