حوار سـاخن بين زوج مع زوجته !
هو: حبيبتي أنا حأطلب بيتزا ،عايزة حاجة ؟
هي : لا يا حبيبي
هو : اوكي
هي : ولا اقولك ..؟
هو : ها ، أطلب لك كمان ؟
هي : مش عارفة
هو : مش عارفة اذا كنتي عايزة ؟
هي : لا
هو: انتي جعانة ؟
هي : يعني !
هو : يعني إيه يعني ...؟
هي : يعني مش متأكدة اذا كنت جعانة ولاّ لأ.
هو : الواحد لما بيكون جعان بيعرف
هي : لأ .. بس يمكن اجوع بعدين
هو : يعني اطلب لكي بتزا ؟؟
هى : طيب واذا ما كنتش جعانة وقتها .. ؟
هو : ما تاكليشهي : بس ده كدة يبقى تبذير
هو: خلاص ، تبقي تاكليها بكرة
هي : واذا ما كانش لي نفس آكل بيتزا بكرة ؟
هو : مش محتاجة نفس ، الواحد عادي ممكن ياكل بيتزا كل يوم
هي : انا لا .. أنا مش باكل بيتزا إلاّ لما يكون عندي نفس للبيتزا !
هو: طيب بلاش ، أطلب لك حاجة تانية ؟
هي : بس أنا مش عايزة حاجة تانية
هو : يعني عايزة بيتزا ؟
هي : لأ
هو : يعني مش عايزة حاجة ؟
هي : لأ برضه
هو : جنّـنتيني ، طب أعمل ايه ؟
هي : اطلب انت لنفسك
هو : الحمد لله ، اخيرا .. ماشي ..
هي : بس اطلب بيتزا بالتونة
هو : نعم ؟ انا مش بحب البيتزا التونة !
هي : بس انا بحبها !
هو : وانتي مالك ؟ هو انا حاطلب ليّـــا ولاّ ليكي
هي : ليك طبعا
هو : طيب أطلبها ليّــه بأة بالتونة...؟
هي : يمكن اجوع لما يوصل الاكل !
هو : وبعدين ؟
هي : يا سلام ، يعني تفتكر آكل حاجة مش عاجباني ؟
هو : ليه هو انتي – أصلاً - عايزة تاكلي ؟
هي : ليه لأ ؟
هو : يا مثبت العقل والدّيـــن .. هو أنا حاطلب بيتزا لي ,
عشان احتمال انتي تاكليها اذا كنتي جعانة ؟؟
هي : بالضبط !
هو : وأنا بلاش آكل ؟
هي : يمكن وقتها أكون مش جعانة فتاكلها انت
* ملاحظة : محكمة الجنايات قررت تبرئة الزوج من تهمة
" قتل الزوجة مع سبق الإصرار والترصد"
وتحويل التهمة إلى ..
" قتل الزوجة دفاعاً عن النفس من الجلطة " ..
* منتدى شــنّة ورنّــــة *
الرئيسية
أحدث الصور
التسجيل
دخول
موضوع: ☃ حـوار سـاخن بين زوج وزوجتــــهِ !!! ☃ 
الجمعة نوفمبر 23, 2012 2:23 pm
