اول مره احس انى حتى مش قادره اتكلم معاك

اول مره احس انى حتى مش قادره اتكلم معاك
مش قادر اقرب منك
حتى كلمه ارحمنى مش قادره تطلع
وزى ما اكون اتخرست
او اتقيدت
مبقتش عارفه اقرب منك

ابليس بأحزانى قيدنى
عطانى حبوب اليأس وخدرنى
فى الخطيه يا ابويا ونيمنى

يمكن ده سبب بُعدى عنك
او يمكن ده سبب سكوتى
عشان كده مش عارفه اقربلك
ده انا حتى مش قادره اقرب من صورتك
ولا حتى عينى تيجى فى عينك
يمكن مكسوفه
اة مكسوفه من اللى عملته
ما انا يامه كتير زعلتك

مش عارفه اقولك ايه
انا مش قادره اصلاً اتكلم
اول مره احس انى واقعه فى حفره ومش لاقيه اللى يطلعنى
احس انى محتجالك لكن مش قادره انادى عليك
صوتى رايح وايدى ورجلى متقيدين

لا عارفه اندهلك ولا عارفه اجيلك
خلاص مبقتش عارفه انا فين

طب انت هتسكت
ولا هتيجى تطلعنى
وتفك قيودى وتحررنى

طب هتشيل الحبل اللى حوالين رقبتى
هتشيل الحبل اللى عمال يخنقنى وهيموتنى

ولا هتسبنى ومش هتسمعنى
ما انا صوتى رايح مش عارفه اندهلك

بس لا
انا عارفه انك حاسس بيا
ومن غير ما انادى عليك
ايدك راح تطبطب عليا

حاسه بصوتك فى ودانى بيقولى
بيقولى انا معاكى منين ما تكونى او تروحى

سامعه صوتك
لكن مش عارفه جاى منين

حاسه بأيديك بطبطب عليا
لكن مش شيفاك .. انت فين

المهم عندى انك ديما حاسس بيا وبتواسينى

اشكرك يسوع

انا عارفه انك حاسس بيا
ومن غير ما انادى عليك
ايدك راح تطبطب عليا

==========

جميله

الرب يبارك مجهودك

♱

كلمات جميلــة رائعـــة !
تسلمي لنا مديرتنـا الفاضلــة رينــه
رنا يسوع يبارككــم آميــــن .

صلاة حلوة اكتير اشكرك رينيه

» يارب انا عاوزة اتكلم معاك شويه
» كيف اتكلم ......
» تعالى نشارك معاك
» بتحب تسمع ايه سمعنا معاك
» بقالى مده كبيره مقعدتش معاك