المذيع ( يويو ):احبائي الكرام من خلال قناة كوز الحقيقه نقدم لكم برنامج "ايه ده يا عم" ولقائنا اليوم مع احد المساطيل:اولا نقولك صباح الخير
-المسطول:مساء النور
-نحب نقولك انت عامل ايه النهارده
-مطبختش النهارده
-طب نتعرف باسمك؟
-السيد فتله اخو هاني ابره ابويه اصلا كان بيشتغل فى بكرة خيط
السن؟
-ماشى فى التلاته والتمانين ومش قادر امشى تيجي تزق..هاهاها
-مش قادر يا خفيف
-موزنتش نفسى قبل كده هاهاها
-بتشتغل ايه؟
-بلطجي
-ودي وظيفه؟
-اهى وظيفه عالبال متبعتلي مصلحة السجون
-سمعنا ان انت قتلت 3 اشخاص قتلتهم ليه؟
-اول واحد كنت واقف فيصيدليه فبقول للفسخاني ال واقف بيبيع فيها انا فضلي رغيف عيش قام قالي امشى من هنا يله مفيش حاجه فاتجننت فكان جنبي كبايه ازاز فيها شوية ميه قومت خابطها فى دماغه فقال اه اه
-قام مات من خبطة الكبايه
-لا غرق من شوية الميه
-والمسكين التاني؟
-كنت قاعد فى السيما بشوف مطش فرشلونه والمحله فى الدوري الانجليزي فبتاع التمر مشى من قدامي فغلوش على قومت قاتل ال جنبي
-وال جانبك ماله؟
-هو ال نداله
-والمسكين التالت؟
واقف فى الشارع زي اي حد فانا مبحبش اركب الاتوبيس فعديت الناحيه عشان اوقف طاكسى فوقف الطاكس فبقول للحلاق ال سايق رايح نادي بخه قايم مستظرف وقالي نادي انت قمت مطلع المطوه وظرفه بيها رصاصتين
-ده انت على كده انت شرير -
-انا منمتش قبل كده على شرير هاهاهاها
-طب بعيدا عن جرايم القتل نحب نسالك شوية اسئله
-وبعيدا ليه المكان هنا كويس هاهاهاها
-بتحب السينما؟
-طبعا طبعا بحب الفنانه صباح الخير والفنان صلاح ذو الفخار برده صلاح الخير هاهاها
-طب ومن الاعيبه؟
-بحب الكابتن سيد بم بم والكابتن علاء العاطفي والكابتن شطه بس اخر مطش اتفرجتله عليه لسوع بقى وانا بحبهم اوي عشان عندهم فكر عالي فكر وجرجير هاهاها
-وايه امنياتك فى المستقبل؟
-اني العب لعبه تقوي عضلات رجلي وخصوصا صابع رجلي الصغير
-زي ايه؟
-الضمنه
-ودي لعبه تقوي عضلات الرجل؟
-طبعا ده احنا بنقعد نلعب 90 دقيقه لحد منجيب ديم اوفر
-طب وايه احلامك؟
-انا مباكلش عشان احلم
-يا بني ادم الناس بتنام عشان تحلم مش تاكل .وبالنسبه للقواضي اتحكم عليك فيها بايه؟
-ببلنتي ومن هذا المزنأ انا بطلب تخفيف الحكم
-يخففوه ازاي يعني؟
-يحطوا عليه شوية ميه........هاهاهاها
-ده انت على كده انت واد خطير
-خطير باللحمه ولا بالسكر......هاها
-خطير مش فطير يا فتله
-لا يا باشا انا مسطول باحترم القانون ال بيقول القانون يا نص يا ربع يا تمن
-ومش ناوي تتوب؟
-انا كل ما اجول التوبه يا ابوي ترميني المصاريف....هاهاها
-طب احنا عاملينلك مفاجاة.وزارة الاتصالات هتديلك كشك سجاير تتبدي بيه وتبيع فيه تلفزيونات وتكون مواطن شريف.....ايه رايك؟
-لا...لا.انا ما ابعش سجاير واضر ولاد بلدي انا اسرق اه .اقتل اه...لكن ابيع سجاير مش ممكن.لو كشك بانجو معلش..بانجو وجوافه هاهاهاها
-طب وتطلب ايه في نهاية البرنامج؟
-اطلب اني اسافر كنكه؟
-اشمعنى؟
-عشان ألقأم شوية شاي....هاهاها
-طب ادي نصيحه لكل انسان بيسمعك من خلال قانون كوز الحقيقيه
-احم...احم هات المكرفون ده شويه انت مسكه كانه ابنك هات...احم احم ادي صفيحه لكل انسان انه يخليه ماشي في حاله ولو معرفش يجري.وانه يخلي باله من شبشبه ويقتني كتاب سلاح التلاميذ عشان لو حد طلعله يطلعله السلاح بس اوعى السلاح يعوره(نظريه فذه مش كده؟) ولو الدنيا ضلمت يجيب كتاب الاضواء.ويطلع سلم النجاح من اوله ولو لقى سلمه مكسوره يقول لصاحب البيت وتيت قص الشريط.وجود نايتي
-الحمد لله خلصت الحلقه.وهكذا اعزائي المشاهدين ينتهي برنامج (ايه ده يا عم) ونشكر كل من ساهم في البرنامج سواء بمجهود او تبرعات وكل من قدم شئ بيداه التقاه.وهنيالك يا فاعل الخير والصواب.كان معكم على الاعداد\هاني كتكوت
والاضاءه\خالد بطه
والصوت\سيد وزه
وكان معكم فتلة صاحب العشه
الرئيسية
أحدث الصور
التسجيل
دخول
موضوع: حوارى مع مسطول 
الإثنين أكتوبر 06, 2014 5:03 pm
