† كنيسة يسوع الحقيقي .. هي كنيسـة مُســــتقلّة †

كنيسة يسوع الحقيقى .. هى كنيسه مستقلة اتأسست فى بكين ، الصين ، سنة 1917.
وانتخب الرئيس الحالى للجمعية الدولية الواعظ - يونج جي لين .
النهارده ، فيه ما بين 1،5 الى 2،5 مليون بينتموا لكنيسة يسوع الحقيقى فى خمسة واربعين
بلد فى الست قارات . الكنيسة الصينيةهي فرع من فروع العنصره المسيحية اللى برزت فى بدايات القرن العشرين ،

وهى كمان كنيسة من التلت كنايس الصينية الاصلية اللى كانت قائمـة قبل ما يستولى الشيوعيين فى الصين

على السلطة سنة 1949 . هدف الكنيسة هو التبشير بالانجيل عند كل الامم قبل رجوع المسيح

( زى ما هو معتقد فى المسيحية ) .
مباديء كنيسة يسوع الحقيقى العشرة الأساسية :
قبول الروح القدس ، واللى بتتجلى بنطق اللسان ، وهى الضمان ان المؤمنين بيها ح يورثوا ملكوت السماوات

( الجنه ) . ماية التعميد هي السر المقدس اللي بيغفر كل الذنوب .

التعميد لازم يتعمل باستعمال مايه طبيعية زي ماية النهر او البحر او البير .

اللي بيعمد هو نفسه لازم يكون آتعمد بالمايه والروح القدس ، واللي بيتعمد لازم يتغطس بالكامل

في الماية وهو مطاطى راسه وباصص لتحت . التعميد لازم يتعمل باسم الرب يسوع المسيح .
الطقس الدينى بتاع غسيل الرجلين ، والطقس ده بيسمح للواحد انه يشارك المسيح ،

وبيخليه يفكر باستمرار بانه بيبتدي يبدأ ايمانه بالحب والقدسية والتواضع والمغفره وحب الخدمة .
لازم كل واحد بعد ما يتعمد تتغسل رجليه باسم السيد المسيح ، وممكن اتنين يغسلو رجل بعض لو كان دا ممكن .
العشا الربانى هو طقس ديني لإحياء ذكرى وفاة المسيح . وهو بيمكن المؤمن من المشاركة
في لحمه ودمه ، وبيخليه على آتصال بيه عشان تتكتب له الحياة الأبدية ويتغفر له يوم القيامه .

الطقس الدينى ده لازم يتعمل باستمرار بقدر الإمكان ، ولازم ما يستخدمش فيه إلا العيش اللى

اتعجن قبل خبزه فى عصير العنب وما تكونش فيه خميره .
يوم الراحة ، وده بيكون فى اليوم السابع من الأسبوع ( يوم السبت ) ، وده يوم بيعتبر يوم مقدس باركه الله
وعمله مقدس ، وتمضية اليوم لازم تكون بين ايدين الرب وفى التفكير فى الخلق وفى خلاصه ،
على أمل تحقيق الراحه الأبدية في الحياة بعد الموت .
السيد المسيح ، الكلمه اللى بقت جسد ، مات على الصليب عشان يخلص المذنبين ، وقام فى اليومِ التالت
وآترفع للسما ، وهو المنقذ الوحيد للبشرية ، خالق السماوات والأرض ، والإله الحق الوحيد .
الإنجيل ، وبيتكون من كتب العهد القديم والعهد الجديد ، أوحى بيهم الرب ، وهو الحقيقة الدينية الوحيدة ،
ومعيار الحياة المسيحية .
الخلاص بيحصل بنعمة من الرب ، من خلال الإيمان ، والمؤمنين لازم يعتمدوا على روحِ القدس
لبلوغ القدسية ، وإجلال الرب ، وحب البشرية .
حاتكون البعثة الثانية للرب في اليوم الأخير لما ينزل من السما عشان يحاكم العالم :
الصالحين حا ينالوا الحياه الأبدية ، لكن الأشرار حا يتدانوا للأبد .
الكنيسة الحقيقيه للسيد المسيح ، واللى اتئسست بمعرفة السيد المسيح ، من خلال روح القدس ،
فى وقت " المطر الأخير " ، هي كنيسة الزمن الرسولى الحقيقية ، اللى احيت من جديد .
كنيسة يسوع الحقيقى ما بتحتفلش بـ " عيد الميلاد المجيد " لإنها بتعتقد ان يوم
25 ديسمبر / كانون الأوّل بيرتبط أصلا بطقس وثنى بيحتفل فيه بعيد ميلاد الشمس ،
اللى اتبنته بعد كده الكنيسة المسيحية في عهد الامبراطور الرومانى قسطنطين ، في القرن الرابع بعد الميلاد .
المصــدر / ويكيپيديا .. الموســـوعـة الحــرّة .