أخذ نصف دولار وترك الأكثر لأنه الأذكى في مدرسة الحياة ...
زوادة وخبرية للعمر كلّــو !
روما
الحلّاق والصبي الذكي !
بيخبرو عن صبي زغير، فات على محل حلاقة ،
بيقول صاحب المحل للزبون يلّي عم يحلِقلو :
« شوف هالصبي شو غبي ، لـمّا بحطّ بإيد اليمين دولار
وبحطّ بالإيد التانية نص دولار، بياخد النص وبيترك الدولار» .
الصبي بيفوت بيحيّي صاحب المحل والزبون ، ومتل كل يوم
بياخد النص دولار، بيبتسم للحلاق وبيمشي .
بيقول الحلاق للزبون :
« شفت شو غبي ، أخد النص دولار وترك الدولار » .
بس القصة ما خلصت هون لـمّا فلّ الزبون من صالون الحلاقة ، بيلتقي بالصبي وبيسألو :
« ليش أخدت النص دولار مش الدولار ؟ »
قلّو : « لأني نهار يلّي باخد الدولار بتخلص اللعبة هون » .
الزوّادة بتقلّي وبتقلّك
« ما لازم نحكم على الناس ونحطّن بأطر معيّنة لأنو مرات كتيرة
أحكامنا بتكون خاطئة وهنّي بيكونوا على حقّ » .
خدوا وقتكم تتعرفوا عالناس وتعلموا من لمنيح والقبيح وربنا بيحاسب ...
اكبر مدرسة الحياة بين الناس ومع الناس ...
والله معكن .