♣ اضحكــوا مع الأطبّـــــأء ♣

الطبيب : أسنانك بحاجة إلى تقويم
المريض : هجري ولاّ ميلادي ؟ !!
-------------------------
المريض : يا دكتور أنا بسمع أصوات بس ما بشوف حدا
الدكتور: وإمتى بتسمع هي الأصوات ؟
المريض : دايما لما بحكي بالتلفون !
-------------------------
سكرتيرة الدكتور : ألحق يا دكتور .. المريض اللي طلع من عندك
هلاّ مات عالباب . شو أعمل ؟
الدكتور: أقلبي الجثة مشان يبين كأنه مات ..

وهو لسّه بـدّو يدخل لعندي ؟ !
---------------------------
مريض لدكتور نفساني : ألحقني يا دكتور..

انا بشوف الأشياء اللي حتحصل في المستقبل ؛
الدكتور: أي لا ... وآمتى بدت هالمشكلة معك ؟
المريض : الخميس الجاي !
--------------------------
المريض حامل علبة فيها حبوب وداخل على الدكتور
المريض : يا دكتور أنتَ وصفتلي هالحبوب مشان أصير قوي ؛
الدكتور: صح ، شو ؟ ما جابوا نتيجة ؟
المريض : لسّه ما بعرف والله ، لانه ما فيّ حيل أفتح العلبة !
---------------------------
ألحقني يا دكتور .. نظري صاير ضعيف كتير، باين لازمني نظارات ؛
ـ وانا عم قول هيك كمان .. انا صحيح لابس روب أبيض
بس هي ملحمة [ محل بيع اللّحم ] .. هونْ مو عيادة !
-------------------------
المريض : طمني يا دكتور .. شو العلاج ؟
الدكتور: بنصحك تروح عالبحر الميت وتعمل كم حمام طين ،
المريض : برأيك هاد شي بفيد ؟
الدكتور: لا .. بس هيك بتتعود على الجو تحت الارض !
---------------------------
الطبيب النفساني : .. وعندك قرايب ؟ يعني أهل ؟
المريض : عندي أخ توأم .. الناس كانو دايما يخربطو بيننا ،

وكان كل ما هو يعمل غلطة يتهموني أنا فيها ..

بس أنا آنتقمت منه الاسبوع اللي مضى ؛
الطبيب : كيف ؟
المريض : أنا متت الاسبوع الماضي .. بس هـوّه اللي دفنوه !
-------------------------
المريض : بـدّي دوا ضد الدود !
الصيدلي : للأطفال ولاّ للبالغين ؟
المريض : وشو بيعرفني قدّيش عمر الدودة ؟ !