نفسه ان لا يهاجر من مصر..

ياهْل بَلَدْنا ولَدْنا "فـَصْ مَلْحْ و دَابْ"

وَاخِد فى "وِشـُّهْ" و "زَرْجـِنْ", سَابْنا و "رَزَعْ" الباب

ناسِى سِنِينالرِّضَاعَة و العِيشَة واللَّمه

وعَطْف أُمُهْ عَلِيه, وشَعْرِهَا اللِّى شَاب

===========

الأُم "ِمتْرَمِّلِه" بَدَلْ السَّنَة تِسْعَة

وعشان تِكَفـِّى المَعَايْشْ, طُولْ النًهَارْ تِسْعَة

مِنْ كُتْر هَمْ السـِّنين "مِجَّرْبـِدَه" دَايْمًا

عَشَانْ تِرَبـِّى العِيَالْ, و لا يقـُولُوشْ "خِسْعَة"

*****

السِّتْ شِقـْيِـِتْ وِ "حِفـْيِـِتْ", عَشَانْ يِكَمِّلْ عَلاَمُه

كَانْ حِلْم ابُوه لمَّا مَات, لازم نِحَقـّقْ كَلامُه

"توفيق ينُولْ الشِّهَادة و يـِبْقى زِينْة الشَّبَابْ"

رَاحْ يِحْضُنْ ابنُه و يفـْرَحْ, لمَّا يشُوفـُه فى مَنَامُه

=============

دا الوَادَه زَاكِرْ و عَافِر, فُوقْ العَشَر سَنَوَات

ماشَا الله دَايْمًا بِرِيمُه, دَايْمًا مَالُوشْ هَفـَوَات

يِحْلَمْ بإنـُّه "زِويل" و هَيعْدِلْ المَايلْ

وِيسَتِّتْ امُّه ويفـْرَحْ, و يعَوَّضْ اللِّى فـَات

========

آدِى اللِّى أخـَدْ الشِّهَادِه, عِيشْتُه بَقـَتْ بَهْدَلِه

لا حَتّى مَشْغـُول بشُغـْلِة, ولا حَتّى لُه مَشْغَـَلِه

قَهْوة و طَاولَه يُومَاتى لمَّا الدِّمَاغ "صَدَّه"

وِجيبُه فَاضِى مِفـَلـِّسْ, و لا حَتّى فِيه خَرْدَلِه

=======

قَالُولْنَا و احنا عِيَالْ إن البَطَالَة نَجَسْ

و الشُّغـْل يِجْعَلْ إيديكْ دَايْمًا ما فِيها دَنَسْ

يا ناس شُوفولْنَا و ظَايفْ نَاكُلْ و نِسْتَرْزَقْ

دا "اللَّطْعَة" فى القَهْوَة "تِنْقِطْ"من كُتْر ذُل "الفـَلَس"

========

إبْنِى طِلِعْ م "البُرُلـُّس", يـِظْهَرْ فى نُص اللَّيل

مَعَ "صُحْبِه" "قِرْفِتْ" و عاشِت, دايمًا فى آخر "الدّيل"

أيّامْها سُودِة, و لا تِقـْدَرْ تِقـُول حَقـِّى

شَايلين جـِبَالْ م الهموم "تِقـِهـِرْ تِهـِدْ الحيل"

========

الكُلْ هَجّ و طـَفـَشْ مِنْ قِلـِّة المَوْجُود

و اضطر يِرْكَبْ مَرَاكِبْ, ويادوبْ فى إيدُه وُعُودْ

معقول كِدَه "نَأبـِنَا" يـِطْلَعْ عَلَى "شُونِهْ"

وعَشان أعِيشْ فى الوَطَن لازم أكون مَسْنـُود؟

========

فَقِيرْ مِشَعبَط فى قارِب, خَايِفْ يِغـُوصْ و يمُوت

و الشِّلة قاعدَه فى "مَارينا", عاملة سِبَاقْ اليخوت

و البَحْر عَمَّال بيغلى من ظُلْمِنا للنَّاس

ورِزقهُم اللّى رَايحْ, كُلـُّه فى إيد كَام حُوت

========

اللّى يقـُول دا طـَمَعْ و اللّى يقـُول دا انفِلات

و يقول دا لازم نِحاكمُه, حتّى لو كان مَات

أنا إبنى مَيـِّتْ بحَسْرِه مِنْ عَمَايلكُم

غَرقان و دَمُّه فى رِقَابـِةْ, اللّى نَهَبْ سَنوَات

======

أنا إبنى فاكر إن جـِدُّو "مِينا"

أنا إبنى ضـَحَّى يوم مَحَرَّرْ سينا

بس الدِيَابه نهبوا خِيرها و هُوِّه

عَمَّالْ بـِيـِهْرَب بين سَفـِينة و مِينا

========

لو كُتْ إبن الكُبَارْ, لازم "أتَبِّتْ" فى مَصْر

و لا عُمْرى أخاف م البوليس, و اسكن فى أحْسَنْ قَصْر

طَبْ لِيه أسِيبِك يا بَلَدِى و اركَب المَجْهُول

إذا كُتْ رَاكِب "شِرُوكى", و عندى مال بلا حَصْر؟

مما اعجبني

شكرا يا باشا
موضزع فوق الرائع

جميل

مشكور

الرب يبارك خدمتك

مارووووووووووو

شكراااااااا جزيلا

سلام المسيح معك

سوسو

شكراااااااا جزيلا

سلام المسيح معك

زوقك رائع كليموووووووووووووووووو

كوليت

اسعدني مروركم العطر

جزيل الشكر لكم

جميل
ميرسي كتير
ربنا يباركك

» شغل البيت ..........
» اشط في ذي قاريطلق النارعلى نفسه !
» شجعى طفلك على التعبير عن نفسه!
» كيف يحمى النمل نفسه من الفيضان .. ؟
» ماذا ينتفع الانسان لو ربح العالم كله وخسر نفسه