ترنيمة بيطمني كلامك

بيطمني كلامك، وبيغمرني سلامك
ودايما أملي فيك يا حبيبي، وواثق في سلطانك
عارف اني كل اسراري مش مخفية عليك
علشان كده انا جاي باسلم كل اموري في ايديك

**********

عايش انا لحبيبي، وحبيبي دايما ليّ
ومافيش غيره هو نصيبي ومالي الدنيا عليّ
هو إلهي وهو حمايتي على مر الايام
كل حياتي هو كفايتي ومعاه انا في سلام

**********

قربك هو عزايا، ولقاك هو رجايا
ومهما يكون انا ليك مستني وتحقق لي منايا
لما تجيني وتهنيني وعلى طول ابقى معاك
تمسح عيني، تنهي انيني واسكن انا في سماك