مش لوحدك احلم ..بس من غير ماتنام !!

مش لوحدك
احلم ..بس من غير ماتنام !!
.
.
.
.
( على أد لحافك مد رجليك! )

( اللي يبص لفوق يتعب !)

(احلم على قدك !)

دايما نسمع الأمثال دي في حياتنا .. لكن حد مننا فكر فيها قبل كده ؟؟

هل كل حاجه بنسمعها تبقى صح ؟؟ هل كل حاجه اتعودنا على سماعها , لازم نصدقها ؟

طيب .. عايزين نتكلم في الموضوع ده شوية و ندردش مع بعض...

استراتيجية تحقيق الأهداف

عشان تحقق هدفك لازم يكون ليك حلم.. لازم الحلم ده بيكون هو الوقود اللي بيحركك و بيديك الدوافع انك ماتيأسش..

ايه مواصفات الحلم ده ؟

القاعدة المهمة هنا هي :

ماتحطش سقف لأحلامك !! احلم براحتك... خليك طموح.. خليك متطلع.. لو حلمك صغير هاتفضل صغير.. لو حلمك كبير و مؤمن بيه ..يبقى لازم هاتحققه و تكون كبير...

كان فيه شاب معوق اسمه خالد حسان ..فقد ساقه اليسرى في حادث سيارة في العاشرة من عمره... الشاب ده كان حلمه إنه يعدي المانش..!!!

تخيل ؟؟ شايف الحلم ده ؟؟

سباحين عالميين حاولوا يعملوها عشان عبور المانش مش سهل.. التيارات البحرية و درجة الحرارة و المسافة المرهقة اللي كانت عقبة أمام أي سباح محترف... لكن خالد كان مؤمن بحلمه.. كان عارف إنه ممكن يعملها .. أكيد سمع ناس بتقول له : انت بتحلم.. أكيد ناس قالوا له : أكيد مش هاتنجح.. أكيد فيه ناس حاولوا يقنعوه بسخافة حلمه و إنه استحالة يقدر يحققه بسبب إعاقته...لأن مفيش معوق قدر يعدي المانش على مدى التاريخ ....

أقول لكم حاجة؟ خالد حسان هو أول معوق في العالم استطاع أن يعبر المانش سنة 1982 و حقق حلمه و حلم مصر اللي بنفخر بيه حتى الآن... إيه رأيك ؟

- أحكي لكم قصة تانية ؟ كان فيه ولد في مدرسة دسوق الإعدادية إسمه أحمد حسن.. كان مؤمن بحلم.. هو إنه يكون عالم كبير و يحقق اكتشافات علمية تسجل عالميا باسمه !!

شايف الحلم ده كبير ازاي ؟ الولد ده فضل مؤمن بحلمه و مايئسش من الظروف ....

استطاع (أحمد حسن زويل ) أن يحصل على جائزة نوبل في الفيزياء و يكون واحد من أعظم العلماء في التاريخ...

توماس إديسون كان بيحلم انه يخترع حاجه تنور بالكهرباء من غير وقود.. و عمل 999 تجربة فاشلة لحد ما الناس سخروا منه و من حلمه .. دلوقتي اللمبة في كل بيت..

بيل جيتس كان حلمه ان الكمبيوتر يكون في كل بيت.. الناس سخروا منه و من حلمه .. دلوقتي بقى فيه حاجه اسمها الكمبيوتر الشخصي زي اللي باكتب لكم عليه الموضوع ده .. شكرا على حلمك يا بيل جيتس !!

- هي إيه الحكاية ؟؟ عايز تقول إيه ؟

الحكاية يا سيدي كالتالي :

الحكاية إن الباحثين درسوا سلوك الناجحين في جميع المجالات .. اكتشفوا إن كل واحد فيهم كان له حلم إيجابي كبير و كان مؤمن بيه جدا لدرجة إنه مالتفتش لكلام الناس إللي حاولوا يحبطوه...

الحلم ده لازم يكون إيجابي و هدفه نبيل.. رسالة بيحملها الشخص ده و بيحاول يحققها...

( لو استطاع أي شخص أن يحقق شيئا ما.. ففي إمكانك أن تحققه!)... كلمة لريتشارد باندلر.

يبقى إياك تحط سقف لحلمك .. إياك تيأس .. خلي إيمانك بحلمك الإيجابي هو القوة اللي بتخليك تتخطى أي عقبة..

خلي إيمانك بحلمك قوي لدرجة إنك تقف و تتخطى أي صدمة.. لأنك مؤمن تماما إنك هاتوصل لهدفك في النهاية...

( كل الناس لديهم من الخبرات التي تؤهلهم لتحقيق تغيير إيجابي في حياتهم )... كلمة لريتشارد باندلر.

الأمثال اللي قلناها في أول العامود إياك تعمل بيها .. لو كانت تنفع زمان يبقى أكيد ماتنفعش في العصر اللي احنا فيه ده .. كل شيء ممكن طالما عندك هدف نبيل و حلم عايز تحققه..

خلي الأمثال للي فوق كالتالي :

( على أد لحافك مد رجليك! )

حوله إلى :

( جيب لحاف على أد رجليك !!)

و المثل الخاطئ اللي بيقول :

( اللي يبص لفوق يتعب !)

حوله إلى :

( إللي يبص لفوق , هايوصل فوق !!)

و الجملة اللي بتقول :

(احلم على قدك !)

خليها :

( ماتحطش سقف لأحلامك !!)

الحلم الكبير هو اللي بيصنع نجاحك.. احلم براحتك و تخطى كل الظروف و لازم تؤمن انك هاتحقق حلمك ده.. لو حلم إيجابي يبقى أكيد أكيد هاتعرف تحققه .. مفيهاش كلام...

بتحلم بإيه دلوقتي ؟؟؟

إبدأ حالا على تحقيقه !

اقتباس :: خلي إيمانك بحلمك قوي لدرجة إنك تقف و تتخطى أي صدمة.. لأنك مؤمن تماما إنك هاتوصل لهدفك في النهاية...

مواضيك يا قمر تجنن
ميرسى ليكى وتقيم كمان

اقتباس :: ( جيب لحاف على أد رجليك !!)

و المثل الخاطئ اللي بيقول :

( اللي يبص لفوق يتعب !)

فعلاً ودة مثل لبناني يا رينيه
الاول من فوق

مشكوووووووورة موضوعك لا بل كل مواضيعك
روعة

MARINA_MARO كتب:

اقتباس :: خلي إيمانك بحلمك قوي لدرجة إنك تقف و تتخطى أي صدمة.. لأنك مؤمن تماما إنك هاتوصل لهدفك في النهاية...

مواضيك يا قمر تجنن
ميرسى ليكى وتقيم كمان

نورتى الموضوع يا سكر بمرورك العطر
ربنا يبارك حياتك
على فكره جيت اعملك شكر جت معاكى تقييم
برضوا
هههههههههههههه

KALIMOOO كتب:

اقتباس :: ( جيب لحاف على أد رجليك !!)

و المثل الخاطئ اللي بيقول :

( اللي يبص لفوق يتعب !)

فعلاً ودة مثل لبناني يا رينيه
الاول من فوق

مشكوووووووورة موضوعك لا بل كل مواضيعك
روعة

عندكوا المثل ده برضوا
مين اللى لطشوا من مين
مش عارفه
ههههههههههههههههه
ميرسى كتيير كليمووو لذوقك
ومرورك العطر

بصي الحلم عامه لازم يكون بقد الامكان واقعي
يعني مش اكون خريج طب واحلم اشتغل رجل اعمال
صعبه
هههههههههههههه
بمعني علي قد دراستي علي قد قدراتي
وكده
الف شكر لطرح الموضوع يا قمر

better of maro كتب:: بصي الحلم عامه لازم يكون بقد الامكان واقعي
يعني مش اكون خريج طب واحلم اشتغل رجل اعمال
صعبه
هههههههههههههه
بمعني علي قد دراستي علي قد قدراتي
وكده
الف شكر لطرح الموضوع يا قمر

مع احترامى لرأيك يا قمر
لكن انا شايفه ان الانسان لازم يكون عنده
طموح ويسعى علشان يحققه وحتى لو مش اتحقق
يكفيه شرف المحاوله
وبالنسبه للدراسه انا شايفه ان ممكن واحد يدرس طب
ويبقى رجل اعمال ايه المشكله طالما انه حابب المجال ده
هيقدر يكمل فيه ويتفوق احسن من غيره كمان
وكتيير قدامنا فى مواقف الحياه يثبت ده ذى مثلا يحيى الفخرانى
دكتور بس حابب التمثيل قدر ينجح فيه وساب الطب وغيره كتير
المهم الانسان يكون عنده اراده وثقه فى نفسه وفى ربنا طبعا
__________________________________
نورتى يا سكر
ربنا يبارك حياتك

جميله رينه

موضوع فوق الروعه

الرب يبارك مجهودك

sosaangel كتب:: جميله رينه

موضوع فوق الروعه

الرب يبارك مجهودك

الاجمل مرورك سوسايه يا سكر
ربنا يبارك حياتك

العضو 'Reena' قام بالعملية التالية: ارمي الزهررررر

'ارمي الزهر 2' :
مش لوحدك احلم ..بس من غير ماتنام !! Jeux

النتائج : 4

نو كومنت
طيب ممكن يعني اقول اية مش عارف
لاني فعلا مش لاقي كلام يوصف روعة الموضوع

وفعلا الكلام دة حصل معاي
واقرب الناس ليا حاربتني وقالتلي مش هاتوصل لحلمك
ولكن بتوفيق ربنا والاصرار والعزيمة وصلت لحلمي
تسلم ايدك موضوع رائع

موضوع جميل ياسكره لازم الواحد يحط حلمه قصاد عنيه ويسعى لتحقيق طموحه

مهندس شنودة كتب:: نو كومنت
طيب ممكن يعني اقول اية مش عارف
لاني فعلا مش لاقي كلام يوصف روعة الموضوع

وفعلا الكلام دة حصل معاي
واقرب الناس ليا حاربتني وقالتلي مش هاتوصل لحلمك
ولكن بتوفيق ربنا والاصرار والعزيمة وصلت لحلمي
تسلم ايدك موضوع رائع

بجد برافواا عليك
ربنا معاك شنوده
ويوفقك فى حياتك دايما

COLETTE2012 كتب:: موضوع جميل ياسكره لازم الواحد يحط حلمه قصاد عنيه ويسعى لتحقيق طموحه

الاجمل مرورك يا قمر
نورتى الموضوع كوليت بمرورك العطر
ربنا يبارك حياتك