حوار بين وردة وشوكه

الوردة: إنتى ليه شكلك غريب مش زي؟
الصبار: إنتي اللي شكلك غريب، ليه إنتِ كدا وإيه الريحة اللي طالعة منك دي؟
الوردة: أنا مش غريبة أنا واحدة من بين ورد كتير ممكن يكون لوننا واحد وساعات ملونين إنتِ اللى باين عليكِ لوحدك محدش جنبك ولا إنتِ ماتحبيش تكون مع حد!
الصبار: أنا معيايا أصحابي إللي من نفس نوعي بس الناس إللي مش حابين يقربولي بيخافول يتعوروا، بس بيعملولي ألف حساب.
الوردة: طيب إنتِ ليه عامل فى نفسك كدا؟
الصبار: عاملة إيه؟ مالي ! مش عاجبك إيه فيا؟
الوردة: ليه بشوك و مُره وليه بعيد عن أي حد؟
الصبار: شوكي هو مصدر قوتي وأمان ليا من الدنيا وبلاويها، الدور والباقي عليكي إنتِ يا مسكينة هاتدافعة عن نافسك إزاي؟!!!!
الوردة: بس الناس مش بتحبك
الصبار: كفاية يعملولي حساب. مش زيك هبلة
الوردة: أنا باضحى بنفسي
الصبار: واستفدتي ايه؟
الوردة: لا إنتِ مش فاهمة
الصبار: فهميني
الوردة: أنا لما بضحى بنفسي باكون سبب سعادة لغيرى، تخيلى المريض لما يلاقينى بيفرح والحبيب بيهدى أو بيصالح حبيبه بيا لكن ماشوفتش حد إدى حد صباره، أنا رسول للحب والسلام
الصبار: خلي بالك إنتِ كدا بتقللي من قيمتي وعلى العموم الحياة مش حب وبس، في حاجات تانية أهم
الوردة: زي إيه؟
الصبار: يعني أنا مثلا ليا فوايد كتير يدوب العلم عارف يكتشفها اليومين دول ، بس اتفرجي عليا من برة وإنتِ تتعلمي إزاي تدافعي عن نفسك . دا من برة بس.... مابالك لو دخلتي جوايا، لكن إنتِ يا حرام شوية هوا يطيروكي أو إيد تلمسك عايزة تاخد ريحتك، تنتهي. ناس تافهه وأنانية، أنا مش عارف إنتوا ليه ساكتين ع الظلم دا؟ دافعوا عن نفسكوا! طالبوا بحقوقكم! وإلا إنتوا عايزين تنقرضوا؟!
الوردة: مش عشان ناس تافهة أضيع قيمتى أنا مقررة أكون نفسي "وردة "
الصبار: بس بردوا عبيطة
الوردة: ليه ما كنا كويسين
الصبار: عايشة تستنى اللحظة اللي هاتموتي فيها لما حد ييجي ويقطفك
الوردة: إنتِ اللى خوافه
الصبار: وخايفة من إيه؟
الوردة: من الناس ليجوا ويقطعوكي
الصبار: بالزمة دا عدل؟ مش أحسن ما أموت ناقصة عمر، أنا عايزة أعيش مش أنتحر زيك
الوردة: لو فهمتى فلسفة الموت هاتحبيه
الصبار: آه فلسفة، هاقول إيه.. أصلك وردة، الحب والسلام والفلسفة كلها. أما أنا فنبات عملي ماليش في الفلفسة بتاعتك دي، إنتي عايشة عشان تخدمي أغراض البشر الأناني وتشجعيهم ع التدمير. خدعوكي بكلامهم الحلو فقالوا: ريحتك حلوة، شكلك حلو، وتخلص الريحة فيرموكي
الوردة: طيب ما إنتِ بتقولى إنك ليكى فايدة إزاى وإنتِ مش عايزه تموتى!
الصبار: أنا! آه ليا فايدة بس وأنا بأموت ممكن أديها، مش أموت مخصوص عشان يستفيدوا هما
الوردة: بس أنا من الأول شكلى كدا مش الناس وكلامهم اللي عملني جميلة
الصبار: مش فاهمة
الوردة: يعنى أنا مخلوقة ورده عايزه أبذل نفسي وأموت عشان غيرى وأنا عارفه إنى مش هافضل عايشة على طول
الصبار: كلام في الأحلام
الوردة: لا... في الحقيقه
الصبار: موجودة إزاي؟ دانتِ شوية ماية تتحرموا منهم تموتي وماعندكيش إللي يخزنها زيي
الوردة: لا، موجودة فى فى ذكريات المحبوبين فى كلام العاشقين وفي مشاعر الطيبين لكن إنتِ شايله ميه ٌمرة
الصبار: بس دا كلام مايوكلش عيش ، مرة آه بس نافعاني ، وبعدين هو أنا بقولك اشربيها
الوردة: كله لنفسك وبس؟
الصبار: هو في غير كدا! هو في أحلى من كدا!
الوردة: عايشه عشان غرورك
الصبار: لا لا لا... ليه الغلط! مين اللي مغرور! انا غالبانة، وحيدة وكلي شوك ولي لون واحد مافيهوش أي جمال. هاتغر على إيه ياحسرة!
الوردة: إنتِ عايشة محصورة في ذاتك؟
الصبار: الدنيا مافيهاش أمان، لازم أعيش لنفسي، تفتكري لو انتحرت زيك هاتغير ولا اتطور؟ أنا باعيش اكتر منك على الأقل
الوردة: لا دا مش انتحار دا عطاء
الصبار: مين يستحقه؟ البشر الأناني؟ مايستهلوش
الوردة: إنتِ ليه بتحكمى
الصبار: طبعا من حقي
الوردة: مش من حقك إنك تحكمى ع الناس، خليكي في رسالتك وهدفك من الحياة
الصبار: هو إيه بقى هدفي؟ إني أموت زيك!
الوردة: الحياة أساسها الموت
الصبار: رجعنا للفلسفة!!! عايزاني أموت عشان يخلالك الجو
الوردة: لا بجد
الصبار: طيب! فهميني يافيلسوفة وردة
الوردة: إنتِ لو عارفه إيه اللى هايحصلي بعد شويه
الصبار: هايحصلك ايه
الوردة: هايخدوا مني ريحة جميلة عشان يعملو منها عطر ثمين
الصبار: خرجنا من الفلسفة دخلنا في الكيميا، كلميني عربي، إنتِ أصلك رومانسية حبتين
الوردة: طيب عندي فكرة
الصبار: إيه؟
الوردة: تعالي نتمنى نكون كل واحد مكان التانية
الصبار: إيه!! نعم!! عايزاني أتخيل إني وردة؟ مستحيل
الوردة: ليه؟
الصبار: أنا أعيش دور العبيطة تاني؟ بصي أنا هاحكيلك حكايتي أصلك لسه صغيرة عشان أنا زمان اتوجعت لما اديت أنا عارفة إنك بريئة، عشان كدا صعبانة عليا، زمان كان الخير كتير والأرض كان فيها ميه كتير وماكنش في حاجة اسمها صحرا، لكن من يوم ما البشر سكنوا الأرض وكل حاجة اتلخبطت ونقصت، زمان كنا معشر الصبار بيعيش يسقي غيره، لكن انهاردا هانسقي مين ولا مين. زمان الميه بتاعتي ماكنتش مٌرة، لكن مرارة السنين وظلم البشر خلوها كدا، إوعى تفتكري إن دي طبيعتنا، إحنا بنحب غيرنا لكن البشر طماع لدرجة إنه هايقضي علينا بتجاربه وأبحاثه، فقررنا إننا نحتفظ باللي فاضل لينا وبس.
- تفتكري بعد كله دا أبقى غلطانة؟؟؟؟؟؟؟؟؟؟
الوردة: أنا مقدّرة مشاعرك
الصبار: قوليلي إيه الحل؟
الوردة: بس أنا حاسه إنك جدعه عشان رغم الصحرا والشمس الحارقه قدرتى تكونى موجودة
الصبار: بس إزاي أنسى المرارة دي؟ وإيه الفايدة مادمت لسه وحيدة! صحيح أنا عايشة في الصحراة وقدرت على حرها وجفافها لكن مش قادرة ع الوحدة
الوردة: أصلك مش حاسه بنفسك، إنتِ مش شايفة الحقيقة
الصبار: إللي هي؟؟؟
الوردة: يعني وإنتِ في الضغوط دي طلعت منك حاجات جميلة، يعني زي التين الشوكي مثلا
الصبار: مش قصدي صدقيني، هو بيطلع لوحده
الوردة: شوفتى ربنا ممكن يعمل منك ايه
الصبار: ربنا!!!
الوردة: آه
الصبار: وإنتِ تعرفيه منين
الوردة: ليه؟
الصبار: عشان أكيد أنا وحشة وماليش لازمة فخلاني كدا "قبيحة" و"مرة"و "وحيدة"
الوردة: لا إنتِ مش قبيحة، إنتِ صريحة، ومش بتتجملى
الصبار: والصراحة تخليه يبقى قاسي عليا، وبعدين هو إنتِ يعني كمان مش صريحة؟؟!
الوردة: هو مش قاسي بس إنتى مش فاهمة
الصبار: مش فاهمة إيه؟
الوردة: إنه بيخاف عليكِ
الصبار: فيخليني وحيدة!! ويخوف الناس مني
الوردة: إنتِ حساسه جدا
الصبار: أنا مكروهة ووحيدة لكن إنتِ محبوبة
الوردة: إنتي مش وحيدة حواليكِ إللي زيك
الصبار: شوفي... إنتي عمرك ماتحسي باللي بقوله عشان عمرك ماكنتِ صبار وطول عمرك مدلعة والناس بتهتم بيكي
الوردة: عارفة! أنا بشوفك جبارة مش صبارة وماتنسيش إني من نفس جنسك: نبات ولي ضعفى وسقاطاتي
-ماتنسيش إني أنا كمان عندي شوك لكن مش حاطة عيني عليه هو بس وقادرة أشوف الجمال جنب الشوك، وإنتِ كمان عندك جمال جنب أشواكك بس من نوع آخر
الصبار: يعني مش ربنا السبب!!!
الوردة: لأ خالص
الصبار: طيب مين؟
الوردة: ممكن تكوني اتعودتي تبصي على نفسك بالطريقة دي وبقيتي تتجرحي من الناس إللى بتحط التفرقه
الصبار: وإزاي أغير طريقتي القديمة دي ؟ وإزاي أبطل أصدق كلام الناس السلبي عني؟
الوردة: هما بشر وكلامهم ممكن يكون صح ساعات وغلط ساعات، يعني كلامهم مش دايما هو الحقيقة، كمان لو ربنا خلقني الصبار: ليها شوك يبقى لازم أعرف أنا كدا ليه، أكيد في هدف ومعنى من شكلي دا. ولازم أدور ع الهدف دا.
الصبار: أنا حزينة ومبسوطة في نفس الوقت
-أنا آسفة كنت عنيفة معاكِ في الأول
الوردة: مافيش مشكلة ، الحزن مرحلة بنعدي بيها للفرح، المهم ما تبلعناش أحزاننا
-وكمان ما فيش داعي للأسف ما كناش عارفين بعض لكن دلوقت ممكن نكون أصحاب وتعلميني الصبر؟
الصبار: طبعا ممكن وانتي ينفع تعلميني الرقة والزوق؟
الوردة: طبعا بكل سرور

هههه جمييييييييييييييييل الحوار ده
بس ناس كتير بتفضل تطون زي الصبار اي حد يقربلها تبعده
لخوفها
وده بيخسرها كتير اوي الف شكر يا كليمو

تصدق حوار حلو استمتعت بقرائته
ميرسى ليك يا ادمن بس مشكلته طويل شويه
ههههههههههههههههه

جمييييييل الحوار ده كتيييير
مهم اوى ان الانسان يكون واثق
فى نفسه زمش اى كلمه سلبيه تأثر فيه
ميرسى كليمووو
ربنا يبارك حياتك
تقييييم كمان

روعه الحوار

جميل جدا

فعلا استمتعت كتير وانا بقراها

مشكور

الر بيبارك مجهودك

ههههههههههههه
طيب ابعدي عن الصبار تسلمي
ههههههههههههه
مشكورة للمروره

اسعدني مروركم العطر مارينا

ربنا يفرحك على طول

جزيل الشكر لكم

ردود مميزه يا رينيه

ميغسى للمرور

ربنا يباركك

مشكووووورة يا سوسو

مرور نور الموضوع ربنا يباركك

بجد بجد روووعة الحوار دا
ميرسييييييييي كليمو
ربنا يباركك

* بنتك أنا * كتب:: بجد بجد روووعة الحوار دا
ميرسييييييييي كليمو
ربنا يباركك

اسعدني مروركم العطر

جزيل الشكر لكم

» احتضار وردة
» معك وردة لمن تهديها !!!؟؟
» وردة عيد الأم
» وردة من الشمع بصنع ايديكي ...
» ∲ كلمات أغنية : لُعبـــة الأيّـام * وردة الجزائـريّـــــة * ∲