ترنيمه جايين بأمرك.

يارب يا عالم بأوجاع البشر
يارب يا حاسس بألام البشر
يارب يا شايف دموع كل البشر
مين غيرك انت يلجأله البشر

جايين بأمرك نصلى لاجل كل الناس
ارفع الم ارفع وجع ارفع هموم كسرت قلوب الناس
ولما يتمكن الم قاسى ولما يتحكم وجع قاسى
انت اللى هتعزى وانت اللى هتواسى
مين غيرك انت برحمتك
تقدر تساع كل البشر تقدر بلمسة من ايديك الطيبة تشفى جروح كل البشر
يارب البشر

جايين بأمرك نصلى لاجل كل الناس
حاسين بتيار الالم سارح فى جسم الناس
وبنلتمس عطفك تمسح دموع الناس تغسل قلوب الناس
انت اللى حاسس بالالم جوه العيون تحت الجفون ساكن قلوب الناس
مين غيرك انت برحمتك
تقدر تساع كل البشر تقدر بلمسة من ايديك الطيبة تشفى جروح كل البشر
يارب البشر

انزع قساوة قايين من ارضنا وجفاه
مايعدش يقتل اخوه ولا حتى يوم ينساه
املأ قلوب البشر بالرحمة والاحساس عمر قلوب كل البشر بالحب والاخلاص
صالح ما بين الناس انت اللى تقدر تحنن قلب ناس على ناس
مين غيرك انت برحمتك
تقدر تساع كل البشر تقدر بلمسة من ايديك الطيبة تشفى جروح كل البشر
يارب البشر