انا تلميذ ....

انا تلميذ فى مدرستك يارب
اتعلمت فيها على ايديك الحب
كمان علمتنى...الاخلاص
والتعامل بمودة مع كل الناس
ومهما الشر زاد من حواليا
أصبر وأصلى..ومافكرش ابدا فى اى اذية
اصلك على التسامح ربيتنى وكبرتنى
ومن فيض محبتك وحنانك رويتنى وعلمتنى
مستحيل هاسمع لصوت الشيطان
انا بيك متحصن وقوى ومش جبان
ومهما العالم خوفنى
او جنود الشر حاربتنى
انا دايما مطمن بيك
و لما بقول يااااااااارب
واثق ان صوتى واصل ليك
انا بحبك يا ربى يسوع المسيح
وهافضل احبك..مهما اشتدت من حواليا الريح

من كلمات:الشاعره
ناهد فاروق شاروبيم