الحب عن طريق النت

الحب عن طريق النت

سلام ونعمة رب المجد معاكم

عجبه لون خطها عجبه نوع الخط اللي عاملاه
وقال ماشي هي خلاص اللي أنا عايزها وبحبها
...بداية غريبة صح !!!!
أنا عارف إن كل اللي هايخش يقرا ها يستغرب الموضوع أوي والعنوان كمان ,
بس اى حب فى الدنيا بيبقي مبنى على اسس وانا هجيب ابسط الاسس ونطبقها على الحب ده

1-معرفه جيده(شكل -اسلوب-طباع)
2- صدق ومشاعر حقيقيه
3- توافق
نشوفهم بالتفاصيل بقي:

1-المعرفه

الشكل:
انت تعرف شكلها؟؟ شوفت صورتها اه.... واثق منين انها دى صورتها !!
طب بالوصف يمكن مش وصف حقيقي
شوفتها يبقي كده نقطه
لكن لو مشفتهاش كده حاجه ناقصه من بدايه العلاقه

اسلوب:
دى بقي هتقدر تحددها ازاى من الشات
نفترض شوفتها مره هتقدر تحدد اسلوبها ازاى مع اصحابها يمكن اللى بتعاملك بيه ده
مش اسلوبها الحقيقي نفترض شوفتها كتير كده يبقي عرفت اسلوبها لكن لو
مشفتهاش يبقي متعرفهاش واعرف انه مش حب

طباع:
فى النت طبعا كل واحد بيحاول يظهر اجمل ما عنده انا مؤدب واخلاقى عاليه ومش
بحط سيجاره ف بوقى وهو حشاش اساسا انتى هتعرفى منين!!!!!!!
والطباع دى بقي مبتظرهرش من مره ولا اتنين دى لازم مواقف جامده ومحتاجه وقت
لكن لو مشفتوش اساسا ازاى هيبقي حب بجد !!!!!!

2 - صدق ومشاعر حقيقيه

الصدق:
دى نقطه مهمه جدا فى اى علاقه على النت او بره لكن بره ممكن تحسيها من نظره عين
من كلمه او من حركه لكن النت!!!!!!!!!!!! ازاى دى بقي هتحسى الصدق ازاى بقي
لنفرض انكم شوفتوا بعض هتقدروا تحددوا مين الصادق ومين الكذاب اذا كان
اساسا انتوا رايحين تشوفوا بعض وانتوا حبين بعض هتقدروا تحدووا عيوب ازاى
! افرض مشفتوش بعض هيبقي حب ازاى كده بالعقل !!!!!

المشاعر الحقيقه :
تخيلى واحد ممكن يكون مرتبط بواحده مش من النت وبيخدعها تخيلى بقي من النت
ومشوفتوش كمان دى مفهاش مشاعر اساسا لا كذب ولا حقيقيه اللى بيحب بيبقي
نفسه يشوف حبيبه دايما تخيلى هيبقي حب ازاى وهي مشافتوش اساسا وازاى
بيقولها بحبك واحنا منعرفش بعض لا شكل ولا اسلوب ولا طبع ولاحتى عارفه هو
صادق ولا لا مش حب ده وجع قلب وحيره جامده

3-التوافق ::
دى نقطه اهم من كله عرفتى منين انه متوافق معاكى ميمكن واحد شغال فى سايبر وبيقولك انا ابن مش عارف مين وعربيتى نوعها كذا ولا يمكن بواب متمدن بيقعد على النت وبيقولك انا فى الفيلا بتاعتنا منت مشفتيش هتعرفى منين بقي ولنفرض انك شوفتيه وطلع استايل ونضيف او حتى عادى مناسب معاكى مش شرط كده
مستواه العلمى متناسب معاكى هتقول اه عرفتى منين وانتى مشفتيش بالأحساس
بقي طب ومستواه الاجتماعى بيقولك انا ساكن فى حته نضيفه وهو ساكن فى منطقه
بيئه هتعرفى منين هتمشي وراه بقي؟؟ ولا اصحابه ميمكن مصاحب ناس وحشه دى
هتعرفيها منين وكذلك مع الاولاد هتعرف منين كل ده وكمان ازاى هتقدرى
تحدددى مدى التوافق الفكرى وانت متعرفيش طبعه ولا اخلاقه !!!!
.................................................. ...
الحب مش كلمه سهله يا جماعه الحب احساس مش سهل نحسه بلاش نخلى مشاعرنا رخيصه لاى حد منعرفوش صح لمجرد احتياج للمشاعر دى كل حاجه ليها وقتها انت مش
بتخش الجامعه غير لما تعدى على الابتدائى والاعدادى والثانوى الحب كده ليه
وقته الصح اه بنحب فى اوقات غلط واحنا مش حاسين ومش بنحس ده غير بعد
مننجرح بلاش نخسر اجمل مشاعر جوانا ..
في الاخرانا عايز أوضح ان النت ممتاز جدا في توصيل المشاعر الصادقة وبيسهلها جدا بين اتنين يعرفو بعض بجد والصدق فعلا موجود بينهم وطبعا مابيكونش العيشة بتاعتهم مبنية على النت ومن النت
وكل عيشتهم على النت وعايزيين يفضلو يحبو على النت بس
لا هانقول انة وسيلة زيادة لتقريبهم ببعض يعني مش هايلاقو فرصة انهم يدنهم مع
بعض فترة طويلة الا بية والميزة انهم فعلا من الاول صادقين فهيكون النت
وسيلة ذهبية ليهم
وانا شوفت في الحقيقة امثلة بضرب بيها المثل في الحب لانهم بنو من الاول علاقتهم الحقيقية على الصدق بعد ماتعرفو على النت
لكن لو مبني على كذب من الاول هايكون وسيلة غلط وهايضيع الطرفين ..............

هل انت متاكد ان ارتباطك عاطفيا من النت نابع من الصدق منك ومنها
هل انت متاكد معرفه جيده(شكل -اسلوب-طباع)
هل انت متاكد من التوافق
لو عرفو وبنو علاقتهم بكل الاسس دي اكيد هاتنجح
ااقل حاجة لو مش موجودة عندك اعتبرة فاشل

ملطوش طبعا هههههههههه

هل انت متاكد معرفه جيده(شكل -اسلوب-طباع)
هل انت متاكد من التوافق

=================

مهمين فى اى ارتباط مش على النت بس

جميل مشرفتنا الجميله

دائما تاتى بكل ما هو هادف ومهم

الرب يبارك مجهودك

هل انت متاكد ان ارتباطك عاطفيا من النت نابع من الصدق منك ومنها
هل انت متاكد معرفه جيده(شكل -اسلوب-طباع)
هل انت متاكد من التوافق
لو عرفو وبنو علاقتهم بكل الاسس دي اكيد هاتنجح
ااقل حاجة لو مش موجودة عندك اعتبرة فاشل

لو صدف واتفقوا
يجب وخصوصا على البنت يكون اتفاقها انها تشوفوا وتسأل عنه معارفه
الى اخره
سمك بالبحر ممنوع نشتري
ههههههههه

sosaangel كتب:: هل انت متاكد معرفه جيده(شكل -اسلوب-طباع)
هل انت متاكد من التوافق

=================

مهمين فى اى ارتباط مش على النت بس

جميل مشرفتنا الجميله

دائما تاتى بكل ما هو هادف ومهم

الرب يبارك مجهودك

تمااام سوسو

ميرسى يا سكره

نورتى الموضوع بمرورك العطر

KALIMOOO كتب:: هل انت متاكد ان ارتباطك عاطفيا من النت نابع من الصدق منك ومنها
هل انت متاكد معرفه جيده(شكل -اسلوب-طباع)
هل انت متاكد من التوافق
لو عرفو وبنو علاقتهم بكل الاسس دي اكيد هاتنجح
ااقل حاجة لو مش موجودة عندك اعتبرة فاشل

لو صدف واتفقوا
يجب وخصوصا على البنت يكون اتفاقها انها تشوفوا وتسأل عنه معارفه
الى اخره
سمك بالبحر ممنوع نشتري
ههههههههه

ههههههههههههه

تمااام كليمووو

بس لو هيتقابلوا بعد كده هيعرفوا طباع بعض اكتر

ساعتها هيكون قدامهم السمك ممكن يشتروا او لا

هههههههههههههههه

مفيش جواز من على النت بينجح ممكن واحد فى المائه بجد موضوع رائع ربنا يبارك حياتك واحلى تقييم

Carminaa كتب:: مفيش جواز من على النت بينجح ممكن واحد فى المائه بجد موضوع رائع ربنا يبارك حياتك واحلى تقييم

نورتى يا سكره

ربنا يتمجد فى حياتك

الحب في النت موجود ومفيهوش ضرر
وممكن تعرفي الشخص اللي بتكلميه شخصيته واسلوبه وكل شي بسهولة
لازم بس تتعرفي عليه في منتدى او الفيس مثلا
عشان تعرفي تصرفاته وردود افعاله
مفيش حد هيقدر يدعي ويمثل لمدة طويلة ومع ناس كثير يعني مع الناس اللي حوله في المنتدى والفيس لان في ردود افعال لا ارادية بتكشف شخصية الواحد... وكمان تشوفي راي الناس اللي بتعرفه كويس
انا بالعكس بشوف التعرف من خلال المنتدى افضل قبل الارتباط لانك بتتعامل مع الشخص ده وبتحتك مع فكره لان ده المهم مش الشكل.. فمن خلال كتاباته وردوده ع المواضيع هيتوضحلك بسهولة الشخص ده بيفكر ازاي بيحب ايه بيكره ايه ... وكده
بس النت مش كافي هو مدخل بس... لما تطمن لشخص ده لازم تشوفه فيس تو فيس ثم تيجي الخطوبة والف مبروك ليكم ههههههههههههههههههههههههههه
ده رايي ببساطة
تانكس للموضوع

أنجيلا كتب:: الحب في النت موجود ومفيهوش ضرر
وممكن تعرفي الشخص اللي بتكلميه شخصيته واسلوبه وكل شي بسهولة
لازم بس تتعرفي عليه في منتدى او الفيس مثلا
عشان تعرفي تصرفاته وردود افعاله
مفيش حد هيقدر يدعي ويمثل لمدة طويلة ومع ناس كثير يعني مع الناس اللي حوله في المنتدى والفيس لان في ردود افعال لا ارادية بتكشف شخصية الواحد... وكمان تشوفي راي الناس اللي بتعرفه كويس
انا بالعكس بشوف التعرف من خلال المنتدى افضل قبل الارتباط لانك بتتعامل مع الشخص ده وبتحتك مع فكره لان ده المهم مش الشكل.. فمن خلال كتاباته وردوده ع المواضيع هيتوضحلك بسهولة الشخص ده بيفكر ازاي بيحب ايه بيكره ايه ... وكده
بس النت مش كافي هو مدخل بس... لما تطمن لشخص ده لازم تشوفه فيس تو فيس ثم تيجي الخطوبة والف مبروك ليكم ههههههههههههههههههههههههههه
ده رايي ببساطة
تانكس للموضوع

ايه العسل ده

جميل الرأى ده بردوا

ميرسى يا قمر

ربنا يتمجد فى حياتك