البنات كلها بتشتكي إن شعرها ناشف عايزين نعرف إيه العلاج الفعال للمشكلة دي؟
كل
البنات للأسف معتقدة إن مجرد استخدامها لنوع شامبو مناسب للشعر الدهني أو
الشعر الجاف أو الشعر العادي إن ده هو الحل اللي هيقضي على المشكلة دي...
لكن للأسف ده مش كفاية لأن البنت المفروض في الوقت اللي تحس فيه إن شعرها
بقى ناشف لازم تختار شامبوهات معالجة تحتوي على صوديوم وأملاح وعلى فكرة
الشامبوهات دي في البداية بتنشف الشعر لكن مع ثالث مرة من الاستعمال بتجيب
نتيجة مذهلة، وبيكون الشعر ناعم جدا وفيه لمعة، والشامبوهات المعالجة دي
موجودة في الصيدليات الكبرى ومراكز التجميل الكبيرة.
إيه أكتر حاجة مفيدة للشعر حمام الزيت أم حمام الكريم؟
الشعر
عموما مش محتاج "حمام زيت" لأن الشعر طبيعي بيفرز زيوت طبيعية ومش محتاج
زيوت خارجية.. ده طبعا على عكس ما البنات معتقدة إن "حمام الزيت" بيطري
الشعر وينعم ويتقل ويعالج تقصف الشعر وده الغلط اللي بتقع فيه بنات كتيرة..
وعلى فكرة اللي فعلا بيطري الشعر ويلمعه هو "حمام الكريم" لأنه بيناسب
الشعر أكثر وبيطريه أكتر من حمام الزيت واللى بقى بيزيد البلاء طين ان
واحده شعرها دهنى وتيجى تستخدم حمام زيت ده ربنا عرفوه بالعقل واللى
منعرفهوش ان الزيوت ديه لازم تتحط بنسب معينه حتى لا تسبب تساقط للشعر
لتقلها على فروة الرأس فبلاش بالله عليكم واحسن حاجه حمام الكريم وياريت
يكون مضمون وغالى.
اليومين دول بقينا بنسمع أسماء زيوت كتيرة، بيقولوا إنها بتفيد الشعر زي زيت تارشوب والحيه والحشيش .. إيه رأيكم فيها؟
معلومه,كل
تركيبات الزيتوت دي والأسماء دي مجرد اجتهادات شخصية الهدف منها هو علاج
لمرض معين بيستخدم بطريقه معينه وليس مجرد زيت يتحط على الشعر .. وعلى فكرة
معظم تركيبات العطارين عبارة عن مسكنات بتطري الشعر لفترة محددة وبعد كده
مش بنحس بأى تغير فى شعرنا ونيجى نشتكى انها بوظت شعرنا وانها مش جايه على
شعرى واننا من الاول غلطين فى اختيار هذا الزيت فبلاش نشوف اى زيت ونقول
نجيبه نجربه يمكن يجيب نتيجه صدقينى لو تعرفى قيمة شعرك مكنتيش ابدا
استهترتى فى معملتك ليه دى.
فيه بنات بتشتكي من إن شعرها بيقع بغزارة. إيه السبب؟! وازاي نمنع سقوطه؟
سقوط
الشعر عادة بيكون نتيجة الاستعمال الخاطئ للشعر أو استخدام شامبو أو
كريمات غير معروفة او استعمال زيوت من عند العطار بتكون تقيله على فروة
راسنا فبتالى بتوقع الشعر وبتضعفه اكتر ما تعالجه طب ايه هو العلاج :اولا
كده لازم نهتم بالعذاء الصحى السليم لجسمنا ولشعرنا وبعد كده نروح لطبيب
مختص وبلاش التجارب خصوصا لو شعرك ضعيف وطبعا فى لوسيونات كتير بتوقف
لتساقط بس انا مش عايزه اكتب اسماء من عندى وانا معرفش شعرك يستحملهم ولا
لا فالاحسن نروح لطبيب مختص .
إيه هو "الكيراتين"؟
هو
أحدث علاج للشعر التالف المقصف أو المجعد أو الناشف أو المتساقط أو الشعر
المجهد من الفرد ومادة "الكيراتين" هي المسئولة عن صلابة الشعر ومقاومته
للحرارة اللي ممكن يتعرض لها من العوامل الخارجية نتيجة كثرة استعمال
المكواة والسشوار أو الصبغة الكيماوية..
ولا توجد في "الكيراتين" أي
نسبة كيماويات لأنه منتج طبيعي وعلى فكرة مادة "الكيراتين" دي أصلا مادة
موجودة في الشعر "فالكيراتين" منتج طبيعي بيقوي نسبة "الكيراتين" الطبيعية
الموجودة في الشعر وبالتالي بيعيد الشعر إلى طبيعته وينعمه ويلمعه ويعالجه.
وإيه مميزاته عن أي منتج تاني؟
إن
"الكيراتين" بأنواعه بيعالج كل ما يتعرض له الشعر من التلف والتكسير
والنشفان ويتغلغل في الأماكن التالفة ويعالجها وميزاته إنه غير قابل
للذوبان، يعني دائم المفعول وطبيعي 100% ويصلح لجميع أنواع الشعر، وكل
الأعمار حتى الأطفال.
وازاي نستعمل "الكيراتين"؟
يوجد
مختصين فى عمل الكيراتين ولو انتى متعوده تعملى استشوار كويس ومكواه كويس
ممكن بسهوله تعمليه لحد ولكن صعب شويه التحكم انك تعمليه لنفسك وخصوصا لان
الطريقه الصحيحه هى الاساس لنجاح مفعول الكيراتين على الشعر لمده تترواح من
3_6شهور.
هل "الكيراتين" غالي؟
الكيراتين غالي شوية لكن بيجيب نتيجة من أول مرة وأنصح باختيار المنتج البرازيلي "للكيراتين" وليس المنتج اللبناني أو الفرنسي.
ايه هى المنتجات المفروض استعمالها مع الكيراتين؟
طبعا
لابد من استخدام منتجات خاليه تمام من كلوريد الصوديوم لانها بتكسر ماده
الكيراتين اللى على الشعر وبالتالى يبطل مفعوله فلابد من استخدام شامبوهات
خاليه من الصوديوم ولو عايزين نكمل علاج شعرنا فيستحسن نسخدم بلسم وحمام
كريم خالى من كلوريد الصوديوم.
فيه بديل "للكيراتين"؟
طبعا
فى,اننا نهتم بالغذاء الصحى ونبعد عن التجارب فى شعرنا ونستخدم شامبوهات
صحيه بجانب حمامات الكريم المضمونه,فيه حمام كريم بالكيراتين اسمه "RB HOT
COUFFIER " وفيه نوع آخر اسمه "كيراتينو" وكلها من منتجات "الكيراتين"
المعالج وفى حمام كريم كارتيه تحفه وفى فاشكول بالثوم جميل اغلب حمامات
الكريم الايطالى حلوة.
واستعمال الكيراتين بيزود الدهون في الشعر؟
"الكيراتين" وظيفته ينعم ويعالج ولا يؤثر على الشعر ولا يأتي بأي آثار جانبية.
بنسمع عن الفرد الكيميائي.. هل ده مضر بالشعر؟
الفرد من مكوناته (البطاس+ كريم) والفرد بيساعد على حرق الشعر وأفضل علاج لفرد الشعر هو "الكيراتين" برضه
إيه الفرق بين المكواة العاديه والبيبي ليس؟
المكواة
العاديه هي سخان لكن الآن تطورت جداً وأصبح بها حيثيات وبتقيس درجة
الحرارة بتاعة الشعر من نفسها أما البيبي ليس الحديثة بيتعمل بنظام
الايونات وهي آمنة جداً وصحية.
غسيل الشعر بمياه باردة ولا دافية أحسن؟
الافضل
اننا نستخدم مياه درجه حرارتها تميل الى درجه حرارة الجسم اما البنت
المتعودة تغسل شعرها بماء دافئ لازم تعمل آخر شطفة بماء بارد علشان تقفل
مسامات الشعر وبالتالي لا يتعرض للتساقط واللى شعرها دهنى تقفل المسامات كى
لا تسمح بأفرازت الدهون.
بنسمع عن كبسولات لعلاج الشعر المتساقط ؟
لا
أنصح باستخدامها من نفسنا الا بأستشارة الطبيب المختص وانا بصراحه بسمع
انها بتأثر على هرمونات الأنوثة عند البنت طبعا انا من دكتورة علشان افتي .
هل صحيح إن غسيل الشعر كتير يضره؟
غسيل
الشعر كتير خطأ لأن الشعر به إفرازات طبيعية ولازم الشعر يستفيد منها
وغسيل الشعر كتير بيضيع هذه الإفرازات علشان كده بأنصح بغسيل الشعر مرتين
في الأسبوع فقط لأي نوع شعر.
فيه بنات سنها صغير وعندها شعر أبيض.. ازاي تعالجه من غير صبغة؟
السبب
في ظهور الشعر الأبيض بيكون وراثة أو ضعف في الخلايا الصبغية لكن فيه مواد
حديثة ظهرت بتعالج موضوع الشعر الأبيض خاصة لما يكون منتشر في أماكن
متفرقة وليس في مكان محدد وعلاجه هو منتج اسمه " ROOT CARE " وده بيساعد
على تقوية بصيلة الجذور وبعد حوالي شهرين من استخدامه الشعرة بيتغير لونها
من الأبيض إلى اللون الأسود تلقائياً.
كل البنات رافضة الصبغة علشان فيها كيماويات.. هل فيه صبغات جديدة من غير كيماويات؟
مخاطر
الصبغة كلها في حاجتين أساسيتين هما "الأكسجين" و"الأمونيا" لكن مع تطور
عالم التجميل أصبحت كل الشركات الآن بتصنع الصبغة من غير "أمونيا" حتى
البنات اللي كانت بتعمل هاي لايت وبتستخدم بودرة تفتيح نزلت دلوقتي في
السوق ألوان هاي لايت فاتحة بدون أمونيا.
إيه الجديد في ألوان صبغات الشعر؟
موضوع
الألوان اختلف تماماً الآن. فبعد ما كان الخصلات فاتحة الموضوع بقى بالعكس
تماماً فأصبح أساس اللون الشعر فاتح شوية والخصلات بتكون عريضة بنفس لون
الشعر الأصلي علشان لما الجذور الأصلية تظهر تكون متوافقة مع الخصلات
الغامقة.
لكن لو فيه بنت عايزة تعمل خصلات بس.. تعمل إيه؟
بيكون الأساس CHOCOALATE والخصلات بتتعمل دلوقتي بشكل عشوائي والموضة منها خصلات تطعيم يعني (عشوائية من داخل الشعر نفسه).
ليه الشعر بعد الصبغة بيتحول إلى لون برتقالي؟
لأن
الشعر بيكون اتعرض لصبغة أكثر من مرة علشان كده بانصح إننا نختار لون غامق
علشان الشمس بتفتح الشعر طبيعي وبالتالي فاتح على فاتح بيجعل الشعر لونه
برتقالي وعلشان تغير اللون البرتقالي لازم البنت تصبغ شعرها بلون غامق
ويكون الصبغ عند مركز تجميل معروف علشان يعمل صبغة ثابتة وغامقة تزيل اللون
البرتقالي نهائي.
وإيه الألوان المناسبة للبشرة الفاتحة والقمحية؟
لازم
البنت تستشير الكوافير بتاعها في عملية اللون بالذات لأنه بيشوفها أكثر ما
بتشوف نفسها وفي العموم البشرة القمحية بيمشي معاها الشعر الدهبي والنحاسي
والبرونزي والبشرة البيضاء يمشي معاها الرمادي والأشقر.
إيه أحسن نوع صبغة؟
في منتجات كتير بس اهم حاجه تكون مضمونه ومنسترخصش فى منتج اسمة "رويال" ومنتج تاني اسمه "ريفلون".
وإيه الشامبوهات اللي بتحافظ على اللون بعد الصبغة؟
فى
انواع كتير معروفه مخصوصه للشعر المصبوغ فى نوع اسمه "كولوركير" وهو شامبو
يناسب الشعر الطبيعي الملون الهاي لايت وهو بيمنع أي درجة للصبغة إنها
تتعرض للتفتيح ويحافظ على اللون.
إيه أحسن شامبو لعلاج القشرة؟
أنا
بأقدم نصيحة لأي بنت إنها لا تحتار بين أنواع كتيرة ولكن تستخدم أي نوع
شامبو لكن يكون معالج وهو بيقضي على القشرة تلقائيا لكن فيه نوع معروف اسمه
"جونسون بيبي" ده بيقضي على القشرة تماما وفى انواع اخرى مخصصه لذلك بس
لاسف اغلبها لابد من الاستعمال المتكرر لها طول العمر حتى لا ترجع القشره
تانى للشعر.
بنسمع عن عملية (الديكاباج) للصبغة... يعني إيه؟
هي
عملية تلميع للصبغة وهي مؤقتة لفترة بسيطة وغير فعالة لكن لو استخدمت
البنت من الأول نوع صبغة معروف وعملت الصبغة مظبوط مش هتحتاج لتلميع أو
حاجة تانية.
الرئيسية
أحدث الصور
التسجيل
دخول
موضوع: البنات كلها بتشتكي إن شعرها ناشف عايزين نعرف إيه العلاج الفعال للمشكلة دي؟ 
الثلاثاء أبريل 17, 2012 8:34 pm
الموقع
