حاجات مش بناخد بالنا منهاااا .. بس بتلفت نظر الراجل اوووووووووووي ....

حاجات مش بناخد بالنا منهاااا .. بس بتلفت نظر الراجل اوووووووووووي






انا بقي النهاردة عايزة الفت نظر كل البنات لشوية حاجات بسيطة بس هي
مهمة اوي بتلفت نظر الراجل للست و خصوصا ان في بنات كتير مش بتاخد بالها من
الحاجات دددددددي!

بصي ياحبيبتي اول حاجة لازم تعرفي ان الراجل بيحب الاول بعنيه
يعني دايما بتلفت نظره الحاجه الحلووووووة يعني لازم دايمآ يشوفك مهتمية
بمظهرك و شكلك ادامه بس اهتمام داخلي و خارجي يعني مش من بره هالله هالله و
من جوة يعلم الله ههههههههههههههههه فاهمني طبعاااااا يعني مش تبقي لابسة و
مظبطه نفسك و فجأة كم البادي يترفع يظهر شعر امنا الغولة هههههههههههههه
بجد موقف هيبقي وحش اوي ساعتها لو هو اخد باله هع هع هع

ندخل في الموضوع


اولااااا: الاهتمام بنظافة الاسناااااااان يعني مش تبقي اكلة ملوخية و
خطيبك ييجي يلاقي سنانك كلها منقطة اخضرررر يقولك ايه ده يا حبيبتي قوليله
ده ترتر يا روحي هههههههههه يعني لازم علطول تغسلي سنانك و عشان خاطري بلاش
البصل قبل ماييجي و لو مامتك عازماه و عامله اكل فيه توم او بصل بلاااااااش
مش وقته خالص يعني.

2: لازم ريحة نفسك تبقي حلووووة بجد دي اهم حاجه عشان في ناس كتير بيبقي
عندها مشاكل في سنانها او عندها جيوب انفية فابتلاقي غصب عنهم نفسهم ريحته
مش حلوة فاحاولي دايما يكون جنبك كلورتس بجد بتخلي ريحه النفس حلوة اوي و
حاولي كل شويه تغيريها و بعد الاكل وكده بس ياريت تاكليها براحة بلاش
الطرقعة و البلالين و الحاجات الغريبة وبلاش تفتحي بؤك عالاخر وانتي
بتاكليها مش عايزيين الولد يطفش ههههه
و برضو في معطرات للفم حلوة اوي بتترش زي السبراي خلي بالكوا يا بنات النقطه دي مهمه اوووووووووووي .

3: ريحه العررررررررق ياريت قبل ماييجي او تنزلي معاه لو مسموح انكوا
تخرجوا يعني او حتي في الزيارة عند اهله خلي بالك اوي من ريحه العرق يعني
خدي شاور كده قبل ماتشوفيه و حطي مزيل عرق او كريم فيبكس عشان تبقي اعدة
واثقة في نفسك و خلي دايما في شنطتك برفان او سبراي عشان لو حصل حاجه تنقذي
الموقف مش اول ماترفعي دراعك الولد يغمي عليه ويروح فيها هههههههههههه.

4: بمناسبة ريحه العرق بقي في برضو ناس مع العرق ممكن الشوز يعمل ريحة
مش مرغوب فيها طبعا و بالذات اننا بنات مايصحش حد يلاحظ حاجه زي دي فحاولي
لو واحده عندها المشكله دي تجيب بودر او كريم فطريات او سبراي لريحه القدم
يعني ماتبقيش رايحه لمامته و اول ما تقلعي الشوز ريحته تطلع زي برطمان
الفسيخ هههههههه و برضو حاولي ماتكرريش لبس الشراب اكتر من مره..

5:الظواااااااااااافر ودي نقطه مهمه جدا برضو عشان في ولاد بيلفت نظرهم
اوي ضوافر البنت يعني لازم تهتمي بنضافة ضوافرك اوي و اهتمي اوي بشكل ايدك يعني لازم يحس بفرق بين ايدك و
بين ايد صاحبه هههههههه


6: خالوا بالكوا كمان من نقطة مهمة اوي يا بنات الشعرررررررر اللي
بيبقي في كف الايد او في الايد عمومااا لو انتي مش عاملة سويت حاولي
ماتبينيش ايدك خالص عشان لو حاجه زي دي لفتت نظره هيبقي الشكل العام مش
كويس خالص و فقدتي رونقك و حاولي تهتمي بكف الايد بالذات عشان بيبقي باين
اوي و لو عندك براون يبقي تمام ممكن تعملي كف الايد بيها بتنجز برضو ابوس
ايدك اوعي تفضحينا

ههههههههههههههههههه
7: برضو الشعر اللي في الوش و فوق الشفايف و الحواجب بيبقي ملفت جداااا
واللي هتقولي مش بعمل حواجبي هقولها شقريها و اللي وشها حساس مش بتقدر
تعمله بالسويت او الفتله برضو ممكن تشقريه واهتمي انك تزيلي شعر المناخير و
فوق الشفايف و خصوصا ان الحاجات دي بتظر اوي لو انتوا خارجين الصبح بيبقي
واضح زي الشمس احنا بنااااااات مش رجاله لازم تهتمي اوي بموضو ع ازاله
الشعر اوي عشان في رجاله كتير بتقرف منه هههههههههههههههه

8: اللبس .. طبعا هدومك كلها لازم تكون نضيفة و مكويه وريحتها حلوة يعني
مش يكون الدولاب فوق بعضه و الهدوم مكرمشه و تقومي تلبسيها لالالالا اوعي
والله في اختراع اسمه مكوااااه مش مطلعه البادي من الخلاط و تلبسيه ينفع
كده. ولا تكوني ضاربة ساندوتش فول قبل ماييجي و يبص يلاقي بقعة تسد عين
الشمس علي هدومك هههههههه

9: لازم برضو النضافه تبقي من جوة ومن بره يعني برضو مش هدومك بس اللي
بره هي اللي نضيفه و مرتبه لازم برضو الملابس الداخليه تكون نضيفه و بتبرق
هتقوليلي و هو هيشوفها فين بسلامته هقولك لا عشان تبقي اعده واثقة في نفسك
من كله و يبقي عندك احساس بالراحه و تبقي هدومك كلها ريحتها حلوة ابتسام
جميل

10:الرجلييييييين: لازم يا بنات يا حلوين انتوا نهتم بالرجلين اوي
يعني تبقي عملاها باديكير كده و مظبطاها مش ييجي يبص علي رجلك يلاقي حوافر
يروح مخضوض و يطلع يجري ههههههه لالالا لازم بجد عشان دي نقطه مهمة وفي
ولاد بتهتم اوي بشكل الايد و الرجلين مش نهتم بوشنا و نسيب الباقي لازم
تبقي انثي في كل حاجه والله لو انتي شايفة كده ماشي

11:طريقة اكلك لازم تكون برااااااحه وعلي مهلك ماهو محدش بيجري وراكي ههههههههههه ولازم تحسسيه بفرق بينه و بينه في طريقه الاكل يعتحسسيه انك
بسكوته كده و عاملة زي البيبيهات هتلاقيه هو بيأكلك بأيدة والله و بالذات
لما تكوني معزومه عندهم حاولي تنقنقي ههههه مش لازم تاكلي يني ابقي روحي
كملي في البيت صح ولا اييييييييييه

12: ايااااكي ايااااااااكي و الصوت العالي خليكي دايما بنوتة رقيقة و
صوتك عامل زي الهمس لان بجد كل الولاد بتتنرفز اوي من الموضوع ده بيبقي
عايز يحس انه بيكلم بنت مش واحد صاحبه علشان كمان لو صادفت في شغله انه شف
بنت رقيقة او شاف خطيبة صاحبة مثلا مايقولش شايف البنات دانا سايب عسكري
مرور اعد في البيت ههههههههه فاخلي بالك من النقطه دي.

13: كمان الفاظك ياريت ياريت يارررررررريت بلاش المصطلحات الغريبة اللي
طالعه اليومين دول اشطه يا عم و يا معلم و يا باشا والحاجات الغريبة دي اه
ممكن بينا و بين بعض لكن مش ادام خطيبك خالص ما بدل ما يكلمك بقي يروح يعد
مع بواب العمارة ساعتها مش هيحس بفرق كتير علي الاقل البواب هيعمله كباية
شاي يشربها هههههههه

14:برضو مش تبقي اعده ادامه تلاقي نموسه قرصتك تعدي تهرشي كده ولا تعدي
تهرشي في شعرك عصر القمل انتهي خلاص وهتلاقيه بيدور وشه الناحيه التانيه
خايف حاجه تطير عليه ههههههههههههههههه

15: خلاص ظبطي نفسك واخدتي شاور و غيرتي هدومك وكله تمام تمام وزي الفل
نيجي بقي لنقطه مهمممممة اوي ودي بتبقي عنوان اي ست ...............,,,,
الاهتمام بنظافه البيت يعني مش يبقي خطيبك جاي و يبقي البيت مقلوب كأنه كان
فيه مصارعه تيران من شويه ههههههههههههه.. يعني اهتمي بنظافة البيت و خصوصاااا
خصوصاااااا الحمام اهتمي اوي انه يكون نضيف و بيبرق ماتخلهوش ياخد عنك وعن
مامتك فكره مش كويسه وافضلي لفي كده في الشقه و شوفي ايه اللي ناقص واللي
عايز يترتب و اعمليه ماتعديش مستنيه مامتك تعمل كل حاجه هي هتعمل ايه ولا
ايه يا بنات صح)

16: اخر نقطه بقي حاولي تخلي اهلك يدلعوكي شويه ادامه يعني بلاش يا بت و
يا زفته و الحاجات دي عشان بتلزق في مخ الراجل و هيطلع عينك بعد كده
ههههههه لازم تحسسيه انك بونبونايه البيت و انك متدلعه عشان هو يتعود علي
كده و يعرف يعاملك بأسلوب حلو مايجيش يقولك حاجه تزعلي منها يروح قايلك يا
سلاااام مانتي دايما اهلك كانوا بيقولولك كده وبلاش تجري تحكيله كل حاجه
حصلت و المشاكل بتاعة البيت وماهي مش كل حاجة تتقال صح ولا ايه نخلي منظرنا
دايما حلو و منظر اهالينا حلو عشان مانتعبش في الاخر و نفضل عاليين في
نظرهم طول العمرررر .......

معلش يا بنات طولت عليكوا بس انا برضو بنصايح كتير اخدتها من ناس عندهم
خبرة اكتر مني و حاجات كتير لاحظتها ان اي راجل بيحب يشوفها في
شريكة عمرة وحبيت ان كلكوا تلتفتوا ليها وتاخدوا بالكوا منها عشان دايما
يكون شكلنا حلو و ياريت



واتمني كلنا نستفاد وانا اولكم

جد موضوع كل جمله بيه مهمة
ميرسى يا قمر

جميله جدا هذه النصائح ميرسى كتير

ميرسي كتييييير لمروركم الجميييييييل ربنا يبارككم

ههههههههههههه

فعلا يا سكره كلها حاجات مهمه اوى

ميرسى كتير حبيبتى وربنا معااكى

ميرسي ياقلبي لمرورك الغالي
ربنا يباركك

واااااااااااااو نصايح مهمة جدا يا قمر

يعنى مش عارفة اقولك ايه

ميرسى جدااااااا وربنا يعوض تعب محبتك

موضوع وكلام سليم وصحيح
تستاهلي عليه احلى تقييم

شاكرين لك تفهمك خيتو ومنيح ا بتثقفيهم حتى ناخدهم جاهزين

هههههههه

ميرسي نيمو حببتي لمرورك الجميييل
ربنا يكون معاكي

ميرسي كتيير كليمو الغالي
وميرسي للتقييم
ربنا يباركك

ههههههههههههه
ميرسي الزلما
ربنا يكون معاك