احلى يوم فى عمرى

[ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة] فهرس القصص القصيرة احلى يوم فى عمرى أحملـوا بعضكم أثقـال بعض و هكـذا تمموا ناموس المسيح اعطنى قلب أعظم هدية أعلى ثمن الابروسفارين الامل الضائع الانجيل المعاش الباب ضيق الباب ضيق والطريق كربة البحث عن الذهب التســـــــامـــــح.............. الجرة المشروخة الحمام الطاير الزائر المنتظر (الشيخ الروحاني ) الشيطان بيوعظنى الطحين و الخميرة .... و ,,,,, الكعكة الطــــيور العجوز والفراشه الغربة الفرس المسكين القيمة الحقيقية الكلب الاعرج الكنزة الحمراء اللحظة الأخيـرة الله يريدنا اكثر قوه المرأة العاقر المسمار الكبير اليد صاحبة الرجاء أمسك بيد من تحب انا احبك جدا جدا أنا الوحيد الذي مات من أجله إثنان إنسانة جديدة: من الظلمة للنور - قصة اهداء لكل البنات / مذكرات شيطان تائب أيمان فتاه حرك القلوب بابا قطع ايديا بابا نويل بحر العالم بيت لم يعرف الحزن تحت الورد شوك أم فوق الشوك ورد ؟! تريد ان ترى وجة المسيح؟؟؟؟ تعلّم أن تبقي فمك مقفلا أحيانا ! تمــــــــــــاماً كــيسوع تنازل عن غطاء المائدة توأم في بطن أم . واحد منهم أتولد . تخيلوا التاني عمل ايه ؟!!!!!!!! مـــــــــــ...ــــــش هـــــــــتـــــــــصـــــــــدقــــــــــوا !!!!!!!!!!! جزمة تدخلنى الملكوت جئت اليك 3 مرات ! حكاية الأستاذ موريس حنان دجاجة حوار بين بقرة وخنزير خذ ابني دجاجة أم نسر ؟ سامحنى يارب كنت هبيعك بربع جنية سفير ملك الملوك شادى ......... شجرة الكريسماس المنحنية، صخرة وسط الطريق ضيف أم سيد ؟ عاجل مارجرجس يحبط مخطط إرهابي غباوة سجين فراش فى شركة مايكروسوفت فماذا تقدم أنت له؟ في خدمة الشعب فيجلس ممحصًا ومنقيًا للفضة قصة الناسك المحارب قصة ابكتني وافرحتني قصة جميلة جدااااا قصة حكمة قرد قصة طفلة تنقذ والديها قصة فى الحديقة قصة ما لم تره عين كاتب هذه المقالة هو ابننا كان هناك اعمى كـم مرة أشتهيـت أن تصير شاهداً للمسيح ! كنت اعمى والآن أبصر صرت للكل كل شئ لا لن يتركك.......أبدا لقد صَلبت مخلصي بإهمالي لقد علمتني كيف اكون معلمة لكي تعيش باقي عمرك سعيدآ لم يأتي كي يديننا لن أفلت من بين أصابعـة لو عايز تشوف المسيح فى اى وقت ليه بنمر بالضيقات مـــا أعجب عنايــته مات عنك لا تمت..... مائدة لشخصين مختلفون عنا! معلمة جاهلة وطالبة حكيمة ...... ملقين كل حملكم علية لانة يعتنى بكم من يقود سفينتك نحن نشكل للسماء نزاع المحبة نعم مات لاجلى نعمل ونجتهد الان هبنى يارب ان اعطيك اجمل ما املك هدية ولد فقير ليسوع الطفل هل انت اوثق حتى النهايه ؟؟......... هل انت خشبة !!!!! هل تحتاج إلى حجر ؟؟؟؟ هي لا تعرف من أنا...ولكنني أعرف جيدا من هي وبالكيل الذي به تكيلون يكال لكم وصدمه القطار يوميات ساكن القبور [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

أحلي يوم في عمري !!

[ندعوك للتسجيل في المنتدى أو التعريف بنفسك لمعاينة هذه الصورة]


لما كنت طفل صُغيَّر .. كان يوم عيد ميلادي بالنسبة لي هوه
"أحلي يوم" في السنة ! .. حفلة كبيرة وهدايا ! ..
كل ده ليه ! .. لأني شرََّفت العالم بإني اتوَلَدت ! ..
كبرت شوية .. ودَخَلت المدرسة .. وتَخَيَّلت إن "أحلي يوم" في حياتي .. هايكون يوم ما اتفَوَّق في دراستي .. ويختاروني "الطالب المثالي" ! .. وفعلا ً حَصَل ! .. وفِرحت جداً طبعاً ! .. لكن بعد شوية حَسِّيت إن مش هوه
ده اللي أنا بادَوَّر عليه ! ...
انتهت دراستي .. وقلت لنفسي : يِمكِن "أحلي يوم" في حياتي .. هايكون يوم ما اشتغل وأكون شخص مستقل ! .. ولا حَد يقوللي : هاحرِمَك من المصروف !.. ولا حَد يقوللي : رايح فين وجاى منين وفعلا ًحَصَل ! .. واشتَغَلت .. لكن في الشُغل شُفت العَجَب ! .. ويا بَخت مَن كان المدير خاله ! .. كله بيقول : ياللا مصلحتي ! .. وشُفت أشخاص معندهاش مانع عشان تِطلَع دَرَجَة .. تِطلعها على جُثِّة اللي حواليه ! ...
بعدها قلت لنفسي : الحياة من غير الحب .. عاملة زي الصحرا ! .. غالباً "أحلي يوم" في حياتي .. هايكون يوم
ما أحِب وأتجوز البنت الى بحبها ! .. أكيد وقتها هامسك نجوم السما بإيدَيّا ! .. وفعلاً حَصَل ! .. حَبِّيت وإتجَوِّزت .. لكن يا خسارة يا حُب ! .. ماكَنش العَشَم ! .. مالقيتش فيك اللي بادوَّر عليه ! ...
قلت لنفسي : الاولاد ! .. أكيد "أحلي يوم" في حياتي .. هايكون يوم ما ربنا يرزقني بطفل ! .. أكيد هوه اللي هايعَوَّضني عن أي خسارة ! .. وفعلاً حَصَل ! .. ورَزَقني ربنا بوَلَد يفرِح .. مَفرَحش إزاي ! .. يا خبر ! ..
ده هوه الغالي ! .. تِعِبت ورَبِّيت وكَبَّرت .. وفي الآخر .. معلش يا بابا ! .. أصل ظروف الحياة شاغلاني وبَعدَاني عنك ! ...
قعَدت مع نفسي .. واسترجَعت كل الأحداث اللي مَرِّيت بيها في حياتي .. واستغربت جداً .. لأن مافيهاش حاجة أنا أتمنِّيتها .. ما حَصَلتش عليها ! .. ومع كده .. لا مال ولا جمال شبَّعنِي ! .. ولا حَسَب ولا نَسَب رَوَاني ! ..
في قَرَارِة نَفسي شاعر إني حزين ومش مرتاح ! .. شوية ظروف حلوة .. بترفعني فوق فوق ! .. وشوية ظروف صعبة .. بتنَزِّلني تحت تحت ! .. أنا فعلاً تَعبان !!! ...
- فجأة ! .. سِمِعت صوت هَمس في ودني بيقول :
" تكثُر أوجاعهم الذين أسرعوا وراء آخر" مزمور 16: 4..
"لأن شعبي عَمِلَ شَرَّين: تركوني أنا ينبوع المياه الحَيَّة، ليَنقروا لأنفسهم آباراً، آباراً مُشقَّقََة لا تَضبُط ماء"إرميا13:2
- خُفت ! .. " لأن كلامه كان بسُلطان " لوقا 4: 32 .. وقلت له : إنتَ مين ؟!؟! ...
- " فقال لي : أنا يسوع الذي أنتَ (تَستَهين بوجوده في حياتك) " أعمال الرسل 9: 5..
- سألته بمنتهي السذَاجة : هوه إنت يسوع بتاع يوم "الحَد" الصُبح ؟! .. يسوع اللي في الكنيسة !!! ...
- صِعِبت عليه ! .. وبحَنان ماشفتوش قبل كده قاللي :
وهوه فيه حاجة تَعباك ومِمَرَّرة حياتك غير إن إنت فاكر إن أنا يسوع بتاع يوم الحَد الصُبح بَس !!! ..
لأ يا حبيبي .. أنا يسوع بتاع الاتنين والتلات وكل يوم ! .. أنا يسوع بتاع العُمر كله ! ...
- ارتَحت له ! .. وقررت أفَضفَض له ع اللي في قلبي .. قلت له : أنا تَعبان ! .. كل ما أتمني حاجة .. بافضَل وَرَاها لغاية ما أحصُل عليها .. ولما باطولها .. باشعر إني مِسِكت الهوا بإيديَّا ! .. مش لاقي حاجة تِشبَّعني ! .. مش لاقي حاجة ترويني ! .. " كل الأنهار تَجرِي إلى البحر ، والبحر ليسَ بِمَلآن " جامعة7:1 ..
- " فقال يسوع : أنا هو خُبز الحياة . مَن يُقبل إليَّ فلا يجوع ، ومَن يُؤمن بي فلا يعطش أبداً " يوحنا 6: 35..
عشان كده ما تِستَغرَبش إنك جَعان وعطشان ! ...
إنت سيبتِني وجِريت ورا آبار ناشفة ! .. كنت مُتَخَيِّل إن هيه اللي هاتِسعِدَك ! ..
يوم ما ابتديت تِشتَغل .. ما أخَدتِنيش معاك وإنت رايح الشُغل ! ..
يوم ما فكَّرت ترتَبط .. ما أخَدتِش رأيي وإنت بتِختار شريك حياتك ! ..
يوم ما رزقتك بطفل .. ما سألتِنيش تِرَّبي ابنك إزاي ! ..
مشكلتك كانت دايماً إنك فاكر إن أنا يسوع اللي في الكنيسة بَس ! ..
صَدَّق إني كِتيـر حَبِّيتك .. صَدَّق إني عشانك جيت
صَدَّق إني أنـا مِستَنِّي .. مهما بِعِدت ومهما جريت
صَدَّق إني راح أنسَى ماضيك
صَدَّق إني راح أسـكن فيـك
ليـه الهَـم يسُودَك .. ليـه بيحنِي عُـودَك
خَلليني أمسِك إيدَك .. ويبقي اليوم يوم عِيدَك
- لما الناس بيسألوني : إيه السِر ورا التغيير ده كله !؟!؟ ..
- اقول لهم : كلمة السر هيَّه : ) يسوع إتوَلَد ! ) ..
- بيقولولي : وإيه الجديد في كده ! .. إنت جِبت إيه مِن عندك !؟! .. ما كلِّنا عارفين إن (يسوع إتوَلَد) !!! ...
- باقول : فعلا ً .. لو الأمر انتهي عند (يسوع إتولد) وبَس .. كنت هافضَل أنا زي ما أنا ! .. لكن كلمة السر هيَّه :
(يسوع إتوَلَد جُوَّايا !) ...
وقِفت قدَّام عينيَّ المقفولة ! .. وقلت لها : إفتح يا عينى ! .. قالت لي : إيه كلمة السر ؟ ..
قلت لها : (يسوع إتوَلَد جُوَّايا !) .. فانفَتَحِت في الحال ! .. وقالت لي : ياه ! .. أخيراً هاتِبتِدِي تشوف إيدُه اللي
ورا "كل" نجاح في حياتك ! ..
ووقِفت قدَّام وِدانِي المَسدُودة ! .. وقلت لها : إفتح يا وداني ! .. قالت لي : إيه كلمة السر ؟ ..
قلت لها : (يسوع إتوَلَد جُوَّايا !) .. فانفَتَحِت في الحال ! .. وقالت لي : ياه ! .. أخيراً هاتِبتِدي تِسمَع صوته وهوه مِتعَلَّق ع الصليب .. وبيقول لك : (بَــحِــبَّــك)! ...
ووقِفت قدَّام قلبي المِتحَجَّر .. وقلت له : افتح يا قلبى.. قاللي : إيه كلمة السر ؟ ..
قلت له : (يسوع إتوَلَد جُوَّايا !) .. فانفَتَح في الحال ! .. وقال لي : ياه ! .. أخيراً هاتِبتِدي تُشعُر بحِنِّيته ! .. أخيراً هاتِبتِدي تِحِس بتعزيَّاته و طَبطَبتُه عليك وإنت بتتألِم !!! ...
بَس قلبي بالذات لما إنفَتَح قدَّامي .. شُفت فيه اللي لا يسُر عدو ولا حبيب !!! .. فقلت لـ"قلبي" :
يادي المصيبة !!! .. هاعمِل فيك إيه !؟! .. ده إنت هاتوَدِّيني على جُهَنَّم حَدف !!! ...
رَد قلبي عليَّ و قاللي : اطَّمِّن ! .. " في ابتِدَاء تَضَرُّعاتك خَرَج الأمر ( مِن عند الرب ) ، وأنا جِئتُ لأخبِرَك لأنك أنت مَحبُوب " دانيال23:9 .. و هاتِبقَى مِن طينة غير الطينة ! ..
" الكُل قد صَار جَديداً "كو 2 17:5
"زمان كنت" فاكر إن المعجزة هيه إن ظروفي تِتغَيَّر .. لكن "دلوقتي" اكتشفت إن معجزة المعجزات هيه إن أنا اللي أتغير ! .. إن أنا "أتولِد" من جديد ..

مجهود اكتر من راااائع

ربنا يتمجد فى حياتك يا سكره

واجمل تقيييييم