شفت قميصى لقداسة البابا شنودة

درس فى خدمة الأطفال يقدمه لنا قداسة لبابا شنودة

دخلت أم وطفلها الى البابا شنودة واخذت تقول لابنها "يلا قول ابانا الذى ...قله ترنيمة حافظها "
أما الطفل فنظر للبابا وقال:
"شايف القميص الحلو بتاعى"قالها فى بساطة وفرح وكأنه لم يسمع كل ما قالته له أمه وقد تعلم البابا نفسه - كما يقول - درسا فى معاملة الأطفال انه لابد ألا نبدأ مع الطفل بتسميع محفوظاته وانما امتدح
اولا ما يمكن امتداحه من شكله وملابسه وبعد أن أجعله يفرح بملاحظتى لكل هذه الأمور حينئذ ادخل فى المنهج الدينى برفق شديد.
وللاسف ان الكتير من الخدام والاباء والامهات بيحاولوا يعلموا اولادهم كالمستمعين لنشرة اخبار دون التفكير الفى ما يحتاجه الاطفال او ما يجذب الاطفال

وعلى ما اذكر ايضا قصة حدثت ايضا مع البابا وهى عند دخول ام وابنها عند البابا قعدت تقول لابنها يلا احكى للبابا عن درس النهاردة والولد كان منشغل عنها ولما ساله البابا انت اخدت درس ايه النهاردة يا حبيبى رد الولد درس عن الحمامة والام استغربت لان الدرس كان عن هروب العائلة المقدسة الى مصر
بس لما طلع الصورة من جيبه علشان يشوفها البابا شاف البابا ان فى صورة حمامة فعلا مرسومة فى الصورة من فوق ولان الطفل كان مشغول بالحمامة اللى فى الصورة اعتبر الدرس كله كان عن الحمامة
وكان ممكن الخادم يستغل الحمامة اللى فى الصورة فى سرد القصة ويحكى ان كان فى حمامة طايرة وشافت العائله المقدسة ويبدا يحكى القصة على لسان الحمامة
يعنى باختصار لو انت عايز تخدم فى خدمة مدارس الاحد يبقى لازم تفهم فى الاساس ايه اللى ممكن يحبه الطفل بجد مش اللى انت بتحب انك تعمله وعن طريق ما يجذب الطفل قدمه من خلاله درسك

واهم درس فى خدمة مدارس الاحد اوعى تتعامل مع المخدومين على انهم اطفال سذج وتتكلم معاهم بنفس طريقة كلامهم ( تبديل الحروف فى الكلمة مثلا او الاستهبال فى الكلام مثلا ) لان بيدرك الطفل انك بتمثل عليه ودى مش طريقتك فى الكلام

وفى نفس الوقت اوعى تتخيل انه جيل انترنت وتتعامل مع طفل 5 سنين على انه 9سنين برضة افهم الفترة العمرية للمرحلة اللى انت بتخدم فيها

جميل يا رينيه
بسم الصليب عليكى اليوم تعبك بالمنتدى باين
ربنا يباركك

انا مش هقول غير
ربنا يبارك خدمتك بجد
ميرسييييييي حببتي جمييييييييل

** RAGAAAA** كتب:: جميل يا رينيه
بسم الصليب عليكى اليوم تعبك بالمنتدى باين
ربنا يباركك

مش كنت بعرف ادخل علشان النت كان بطئ اوى
لقيته كويس قلت الحق نفسى
Smile

* بنتك أنا * كتب:: انا مش هقول غير
ربنا يبارك خدمتك بجد
ميرسييييييي حببتي جمييييييييل

ميرسى يا سكره لمرورك الجميل

ربنا يتمجد فى حياتك

» اختيار الله لقداسة البابا ذهبى الفم الثانى البابا شنودة الثالث
» صور لقداسة البابا شنودة الثالث
» حدث فى تلك الليلة لقداسة البابا شنودة الثالث
» الفراغ العاطفي ...لقداسة البابا شنودة
» تصميم وكلمات لقداسة البابا شنودة