هفضفض واحكيله ... ما انا مليش غيره

فى مره قاعده كعادتى مخنوقه وزهقانه
و حاجات كتير جوايا مخفيه و مكبـــــوته
كنت حاسه بالدنيا ضيقه وان انا زعلانه

قولت انا مش هفضل كده
انا لازم اتكلم معاه واحكيله
افضفضله واشكيله
ماهو ابويا واكيد هيحس بيا

جريت على صورت
ورفعت ايدى
قولتله الحقنى تعالى ارحمنى
الدنيا شلتنى لسابع فرحه
وفى الاخـــــر هبدتنى

حفره اليأس اخدتنى لتحت
و موجه الضيقه اخدتنى للعمق
ودوامه الحزن اخدتنى فى دايرة
والتجارب اخدتنى فى بير غويط
مخنوقه وحبل الاحباط حوالين رقبتى بيضيق عليا

فى الاخر حسيت باللى انت شايفه
مخنوق زهقان مضايق زعلان
بقولك تعالى انقذنى من حفره اليأس طلعنى
وبأيدك الحنونه شدنى من بحر الضيقات
وفى حضنك ضمنى وسط دومات الحزن فرحنى
ومن البير الغويط يارب قوينى وطلعنى
شيل حبل الاحباط من على رقبتى وليك رجعنى

محتاجلك اوى ياربى تكون معايا
فجأه جانى سكون معرفش ده تعب ولا نوم
سكت سكت وركزت شويه فجأه !!! سمعت صوت
..............
بيقولى انا معاك مهما يحصل و مهما يكون
ارمى حمولك عليا وانا هشيلها عنك
وان كنت انت فى بير ولا حفره ولا قربت تغرق
خليك واثق انى انا اللى هنقذك
بحبك يا ابنى ولا يمكن اسيبك

انا سمعت الصوت ده بنفسى لكن مش بودانى
الصوت ده نابع من جوايا .... صدق اللى قال يسوع فى قلبى

فرحت اوى اوى ومن كتر فرحتى
صرخت وعيطت وبكيت وقولت
انا لست استحق كل هذا يا سيدى

++++++++++++++++++++++++++

تأمل ومناجات رائعة تستأهل التقييم الكبير
جزيل الشكر

رااااااااااااااااائع بجد
ميرسي كتيييييييير حببتي
ربنا يباركك

هفضفض واحكيله ... ما انا مليش غيره

جميله قوى المناجاه دى

شكرا رينا

» حبيبة محمد عسّاف ؛ تركته وتزوّجت غيره !
» مشاركة الرجل فى تنظيف المنزل يجعله أكثر سعادة من غيره...