لكــــــــــــــل المسيحيين اللى خايفيــــــــــــن من حكم الأخوان...

[ندعوك للتسجيل في المنتدى أو التعريف بنفسك لمعاينة هذه الصورة]

لكــــــــــــــل المسيحيين اللى خايفيــــــــــــن من حكم الأخوان...
تعالوا شوفــــــــــــــوا العدرا عملت مع هارون الرشيـــــــــد أيـــــــه..!!!

حدوتى النهارده عن ام النور رائعة...تقوى ايماننا أحنا أولادها المسيحيين اللى للأسف خايفين وقلقانين على حالنا...وناسين القوة اللى معانا...وناسيين ان القديسين اللى معانا أكتر من ابليس بجنوده اللى علينا...أسمعوا معايا اللى التاريخ مايقدرش يقوله:

لما أتولى هارون الرشيد خلافة المسلمين..عين والى على مصر كان بيكره المسيحيين..وكان بيبعت امراء مصر لكل الكنايس يسرقها ويهدمها ويعذب المسيحيين...
ولما وصل مدينة اسمها أتريب..كان فيها كنيسة فخمة اوى..عمدانها رخام ومطليه بماية الدهب...وكانت على اسم الست العدرا..
اول ماسمه كاهنها بأن الأمير جاى ينهب الكنيسة ويهدها..جرى على أيقونة الست العدرا وطلب معونتها...
وصل الأمير..فأترجاه الكاهن أنه يمهله 3 أيام لحد مايجيبله أمر من الخليفة هارون الرشيد بجواب مختوم منه شخصيا يمنعه من هد كنيسة العدرا..
ضحك الأمير..وقال للكاهن:3 أيام تجيب فيها جواب من الخليفة اللى قاعد فى بغداد واللى يستغرق السفر ليه شهرين؟؟!!!!!

قاله الكاهن: أنا أؤكدلك أنى هجيبه بشفاعة سيدتنا العدرا مريم
وأعطاه 300 دينار وقاله كل مصاريف أقامتك أنت وجنودك الثلاث أيام دول عليا لحدمايجى الجواب...وفعلا وافق الأمير وقاله:بس بعد 3 أيام هاجى وأهد الكنيسة
جرى الكاهن على أيقونة العدرا وقالها:
انجدينى ياعدرا..وماتخليش أعدائنا يشمتوا فينا..وان كنا أخطئنا فسامحينا..القينا عليكى حملنا فأطلبى من أبنك علشان ماتتهدش بيعتك..وظل الكاهن يبكى ويمتنع عن الأكل ومرتمى تحت ايقونة العدرا..

وفعلاً:اتكلمت العدرا وقالتله:ماتخافوش من الأمير ..كل اللى طلبته انا عملته..والجواب هيوصلك من الخليفة.
وف نفس اليوم بالليل والخليفة هارون نايم..صحى على نور ساطع جدا ف غرفته..وظهرت العدرا فاترعب..وقالتله:أنا أم يسوع اللى أنت أمرت بهدم كنايسه..أزاى انت نايم مرتاح البال..والمسيحيين بسببك فى اشقى حال؟انا أم الاله اللى بأرادته أعطاك سلطانك..فأخشى الله والا هتقاسى أتعاب لحد ماتطلب موتك بنفسك.
اترعب الخليفةوقالها:لا تؤذينى يامولاتى..وكل ماتطلبينه أفعله.
فطلبت منه العدرا جواب يمنع الاعتداء ع المسيحيين وهدم الكنايس فى مصر..وسألها ازاى هيوصل فى المده اللى قالتها 3 ايام؟قالتله:اكتب انت المرسوم..وبعون الله هيوصل للأمير قبل مايقوم من نومه..!!!
وفعلاً..كتب هارون الرشيد الجواب..وفجأة جه طائر وخطف الجواب بمنقاره وطار وسط ذهول ورعب الخليفة..وراح الطائر اتريب ورمى الجواب على الأمير..اللى فتح الجواب بذهول وقرأ..وأذ به مرسوم بختم هارون يمنعه من اى اذى للمسيحيين وكنايسهم!!!!

راح الأمير بسرعة للكاهن وقاله:قولى أنت عملت أيه؟؟
أخده الكاهن للأيقونة وحكى له..فآمن الأمير بالمسيح..
وبعدها قام هارون الرشيد بنفسه وأمر ببناء كنيسة عظيمة على اسم العذراء..وأمر أنها تكون أفخم من المساجد اللى فى بلاده...!!!

+ أصدقائى....
أقول أيه بس؟؟؟
خجلانه بجد من ضعفنا اللى بقينا فيه أحنا المسيحيين..!!!
خجلانه من ضعف أيماننا...وضعف صلواتنا...وضعف أحتمالنا..أمال لو عذبونا زى أبائنا الشهدا هنعمل أيه؟؟!!!
بقينا نجرى على المظاهرات...والأعلام..والفيس...ونطلب معونة البلاد الأجنبية...وننسى نجرى الأول نصلى ونصرخ ونصوم لربنا.. ونطلب معونة القديسين اللى شايفنا وحاسين بينا..ونستخدم أسلحة أيماننا كمسيحيين..!!!
+ مصر ليك يارب...البلد اللى عشت على أرضها وباركتها فى كتابك..
وأرضها أتشربت بدم ولادك...وصحاريها مليانه من رهبانك..
لاتنسى شعبك...ولا تشمت بينا أعدائنا...أخطأنا اليك فسامحنا..وتوبنا فنتوب..بشفاعة أمك الست العدرا
آميـــــــــــــــن

قالَ الربّ يسوع : (( لا تخافوا من الذي يهلك الجسـد )) !
ولكــن خافوا من الذي يهلك الجسد والروح !
شكراً * المــــلاك * على هل الموضوع الرّوحانـــي الممتــــاز !
والعاقل من الحكّام أنْ يستفيد من عِبَـــر التّاريــــخ !تحياتنــــــا .

فعلا خادم المسيح

بس زى ما الحكام يستفيدوا من التاريخ

احنا نستفيد من تاريخ ابائنا القديسين وامهاتنا

ونستفيد من ايمانهم القوى اللى ميتهزش

مشكوره لمرورك

الرب يباركك

+ مصر ليك يارب...البلد اللى عشت على أرضها وباركتها فى كتابك..
وأرضها أتشربت بدم ولادك...وصحاريها مليانه من رهبانك..
لاتنسى شعبك...ولا تشمت بينا أعدائنا...أخطأنا اليك فسامحنا..وتوبنا فنتوب..بشفاعة أمك الست العدرا
آميـــــــــــــــن

ربنا يدينا ايمان نفضل ثابتين على اسمه مهما حصل
ميرسى كتير سوسو

آمين يا رينا

من الرب نطلب

مشكووره للمرور

+ أصدقائى....
أقول أيه بس؟؟؟
خجلانه بجد من ضعفنا اللى بقينا فيه أحنا المسيحيين..!!!
خجلانه من ضعف أيماننا...وضعف صلواتنا...وضعف أحتمالنا.

كلام صحيح بننسى انه ربنا قام وغلب الموت ميرسى تعزيه مقويه يا قمره

مشكوره مارينا

للمرور

نورتى

» الأخوان في الدول الأســكندنافيّـــة .
» نهاية حزيران بداية النهاية لمُرسي و"الأخوان"
» سيناتور أمريكي يكشف " قوى " تقف بوجه تصنيف الأخوان المسلمين بقائمة الإرهاب .
» القضاء الفرنسي يوجّه تُهمة إغتصلب جديدة لحفيد مؤسّس " الأخوان " .
» صلوات المسيحيين