طريقه عمل فراخ بالكاتشب

[size=16][size=21]المقادير:
فراخ

كاتشاب

مستردة

فلفل اسود

ملح

بصل مفروم

خل

لمون

كارى

سماق
التحضير:
اول حاجه حضرت الفراخ طبعا على حسب عددنا انا وجوزى

وبعدين نزلت عليها بربع او اقل شويه كوب كاتشب ومعلقه كبيره مسطرده

وبعدين حطيت فلفل اسود وملح وجبت بصلايه وبشرت حته صغيره منها بس وحطيت معلقه خل و عصير لمونه صغيره

وبعدين قطعت بقيه البصله شرائح صغيره وحطيت بهارات : كركم وكارى ورشه بس سماق وممكن نستغنى عنها عادى

وهنا قومت داعكه الخلطه كلها فى بعتيها وقومت مدخله منها تحت جلد الفراخ

على فكره انتو ممكن تشيلو الجلد اصلاا
الطبخ:
وبعدين سبتها تتبل شويه فى التلاجه يجى ساعه او ساعتين وياه بقى لو اكتر

بس بصراحه كنت متأخره فعملتها بعد ساعه من التتبيله

وهنا حطيتها فى صنيه ودخلتها فى الفرن وحاولى تبقى مولعه عالفرن قبلها بكام دقيقه كده علشان يبقى سخن

انا نسيت اعمل كده بس الخطوه دى مهمه

تفضلى بقى كل شويه تقلبيها على وشها مره وعلى ظهرها مره علشان الناحيتين ياخدو التتبيله وتبقى تمام التمام

وبعدين لما استوت روحت مولعه الشوايه اللى فى الفرن لحد ما وش الفرخه اتحمر

[/size]

ميرسي كتيييييير للوصفه

اشكرك اختو وصفه اكتير منيحه

ميرسى للوصفه يا سكره

ربنا يتمجد فى حياتك

» طريقه عمل شراب الورد
» طريقه عمل البيتى فور
» طريقه عمل الجاتو
» طريقه عمل الفراخ بالمكرونه
» طريقه عمل ايس كريم المانجو