هيكلمــــــــــــــك باللغــــــــــة اللى يفهمهــــــــا قلبـــــــــك..!!!

لما كان يونان ثائر على قرار ربنا بأنه يروح نينوى..قرر فى قلبه إنه يضرب بكلام الله عرض الحائط..وحط فى قلبه كمان إنه يتجاهل وجود الله فى كل مكان وكأن الله موجود فى أرض إسرائيل وبس..وإعتبره مش موجود فى ترشيش اللى عايز يسافر لها..!!
وبحسب ماوضع يونان فى قلبه من قساوة وعدم طاعة وجحود وكبرياء وتصلب للرأى..بحسب كمان ماتعامل الله معاه باللغة اللى تقدر تواجه قلبه العنيف...وإبتدا الله يكلمه بنفس اللغة:
* كلمه بالنوء الشديد..علشان يواجه هيجان قلبه وثورته عليه..!
* كلمه بشوية بحارة أممين مايعرفوش ربنا..علشان يواجه كبرياء نبى غاب عنه أبسط الأيمانيات البسيطة زى وجود الله فى كل مكان..!
* كلمه بالحوت العظيم..علشان يواجه مصير القبر اللى حط نفسه فيه..والظلام اللى إختار إنه يعيش فيه ببعده عن ربنا..!

ولما خرج يونان ضعيف وشاف توبة أهل نينوى وإغتاظ..وإتهد كبرياؤة..
وطلب موته مرتين..أبتدا ربنا يكلمه بهدوء ويستخدم أشياء ضعيفة وصغيرة زى ماهو حاطط فى قلبه..
* كلمه ربنا بحتة يقطينة شجرة فى ليلة طلعت وفى ليلة جفت..وبحتة دودة..علموه أنه هو كمان شجيرة صغيرة ..كانت أوراقه خضرا وكبيرة لكن جواها فاضى..وجواها دودة فضحت عدم تسليمه..وعدم محبته..وعدم رحمته..!!

* صديقـــــــــــــــى...

يونان لام الله على كونه رحوم ومتسامح وبطىء جدا فى غضبه..وكأنه عايز يقول لربنا..إنت كده بتضيع هيبتك وبترجع فى كلمتك وبتضيع هيبتى أنا كمان معاك وتدوس على كرامتى..!!
حاجة عجيبة ..صح؟؟!!
مش عارف يايونان إن ربنا لو كان إتمسك بكلمته ونفذ عقوبته بلا رحمة ولا شفقة..كنت أنت أول واحد هلك؟!!!
كان زمانك من أول مارفضت تطيعه وتنفذ أمر سفرك لنينوى..كان زمانك قعدت تصلى فى جوف الحوت وتنادى وتتوب..وبرضه ربنا مارحمكش ولا اشفق عليك وانهى حياتك.زعلشان تبقى عبرة لكل واحد يتجرأ ويتجاهل أمر ربنا؟!!!

* صديقــــــــــــى...

ماتستغربش على يونان..إحنا كمان كتييييييييييييير بنعمل كده..!
كام مره نصرخ لربنا علشان يقوم وينزع الأشرار..ويفنيهم..ويهد الدنيا على دماغهم؟!!
كام مره دعيت على واحد ضايقك..أو أخد حقك؟!!
كام مرة حزنت على خير جه لواحد عدوك؟!!
كام مرة كبريائك وجعك لما ربنا رحم إنسان ونجح طريقه..بعد ماأنت هددته بعقاب ربنا على شره؟!!

للأســــــــــــــــف..كتير بنعمل كده...وكتير مابنفهمش إن الزوان ده..ربنا برحمته شايفه حنطة جميلة ..بس عايز شوية محبة وشفقه..!!

شاول الطرسوسى كان زوان...أهل نينوى كانوا زوان...موسى الأسود كان زوان...مريم المصرية كانت زوان...وغيرهم كتير..ولسه فى عصرنا ده..ياما هتشوفوا وهتسمعوا عن زوان بيتحولوا لحنطة رغم صلواتك إن ربنا يقلعهم عن كنيسته..!!

* الهـــــــــــــــــــــــــى الرحوم البطىء الغضب...
أشكرك لأنك تحتملنى أنا الزوان..وتشفق علىَ..وتنتظر بلهفة كل يوم توبتى ورجوعى...أشكرك لأنك تكلمنى فى كل أحداث حياتى..وتجاربى وضيقاتى..لتكشف لى عما يختبىء فى قلبى من ذئاب صغيرة مفسدة للكروم..أشكرك لأنه حينما أطلب الموت لنفسى كيونان..تحتملنى..وتعلمنى..وتأدبنى..لأن كل من يحبه الرب يؤدبه.

كل صوم يونان وأنت طيبيـــــــــــــــــــــــــــــن

منقول

♱ الإيمــــان بالرّب يسـوع يصنـــعُ المُعجـــزات } !
ميرسي اختي الغاليـــة ســوســو على هذا الموضوع الرّوحاني المتاز !
ربنا يسوع يبارك خدمتكـــم آميــــن .

لام ربه لانه لم يتعرف على يسوع لم يرى تواضع يسوع وصبر يسوع ومحبته للبشر
لم يسمع كلام الرب يسوع الذي يبلسم الجراح ويحمل عننا كل الاثقال
هو معذور اكيد والرب كان يكلمه من عليائه لم يكن اخلى ذاته وتجسد

نحن قد وصلتنا البشارة بأهون السبل واكثر الاحيان نخطىء
مشكورة للموضوع الرائع سوسو
الرب يسوع يبارك مجهودك

لاء مو عنا صوم يونان
لكن بنعمل قداس بهادي المناسبة

مشكوره

نورتوا الموضوع

بمروركم

الرب معاكم

» انت اللى استهترت
» ترنيمة مين اللى يقدر
» لكــــــــــــــل المسيحيين اللى خايفيــــــــــــن من حكم الأخوان...
» مين قال ان اللى فات مات _ قصة متجددة يوميا
» اختار رقم اللى كنت بتعمله و انت صغير