عيد الصعود :
عيد الصعود المجيد هو عيد بيحتفل بيه المسيحيين بمناسبة صعود او طلوع يسوع المسيح للسما بعد 40 يوم من قيامته من الاموات بعد ما اتصلب ب 3 ايام.بيؤمن المسيحيين ان يسوع صعد للسما بجسمه مش بس بروحه
وقعد على الجنب اليمين لابوه السماوى. عيد الصعود بيعتبروه واحد من اهم اتناشر عيد بيتحتفل بيهم الكنايس الاورثودوكسيه و هو بيخلد اخر مره ظهر فيها المسيح لاتباعه و بيعتبروها التحقيق النهائى للهدف اللى نزل المسيح عشانه واللى هو الخلاص وتجسيد لرجوعه للملكوت لما قال ان مملكته مش من العالم دا قبل ما يتصلب.
يوحنا 18: 36 .
بحسب الاصحاح الاولانى من سفر اعمال الرسل،يسوع ابتدا يظهر للتلاميذ
( الحواريين ) بتوعه فى اكتر من مكان على مدى اربعين يوم و بعديها ارتفع للسما قدام عينيهم وهما على جبل الزتون اثناء ما كان بيباركهم
وبيبتسملهم و بعديها اختفى ورا سحابه كانت معديه فى الوقت دا.التلاميذ كانو لسه باصيين لفوق لما ظهر لهم ملاك وقالهم انا ان المسيح ح يرجع تانى بنفس الطريقه اللى شافوه بيها وهو بيطلع للسما.
عملية الصعود دى اتذكرت فى اكتر من مكان فى العهد الجديد بس فى اختلافات فى التفاصيل يعنى فى انجيل يوحنا و انجيل لوقا مثلا الظاهر
ان الصعود حصل مباشرة بعد القيامه ومافيش ذكر لمدة الاربعين يوم دول.
المصدر / ويكيبيا الموسوعة الحـــرة .