تيجي نعرف ايه دور الراجل في حياة الست والعكس

تيجي نعرف ايه دور الراجل في حياة الست .. وايه دور الست في حياة الراجل وايه الدور المشترك بينهم ... ؟ معلومات مهمه جــــدآ ومفيده .

وبشكل عملي قبل ماتقرا .. شوف ايه اللي ناقص عندك وصارح نفسك بيه في الحاجات اللي هتقراها دي .. هدفنا اننا نوصلك لاكبر سعاده ممكنه تحت مخافة ربنا .؟




أنا الراجل : يعني انا اللي هصرف في البيت
أنا الراجل : يعني احبك واموت فيكي واكفيكي نفسياً وكل حاجة
أنا الراجل : يعني اعاملك بما يرضي الله وما اغلطش فيكي
أنا الراجل : يعني انا اللي هحافظ عليكي وعلى الأولاد
أنا الراجل : يعني انا اللي هحميكي من أي شئ
أنا الراجل : يعني انا مستشارك في كل مشاكلك
أنا الراجل : يعني حبيبك الأول والوحيد في الدنيا
أنا الراجل : يعني انا اللي معاكي نعبد ربنا ونحبه ونطبق مشيئته في جياتنا الجميله
أنا الراجل : يعني انا بس اللي يتسمع كلامي
أنا الراجل : يعني انا اللي اوديكي لأهلك وأخليكي تزوريهم ومتتحرميش أبدآ منهم .
أنا الراجل : يعني اذا احتاجتي حاجة تطلبيها مني طول ما هي في استطاعتي
أنا الراجل : يعني انا اللي عايش ليكي ولحبك ولرضا أمي وأبويا
أنا الراجل : يعني انا بس اللي اشتغل طول ما انا مكفي البيت مافيش داعي لشغلك
أنا الراجل : يعني انا اللي من حقي اقولك تروحي فين وماتروحيش فين
أنا الراجل : يعني انا المسئول معاكي في تربية الأولاد
تسلم ايديكي لما تقدملي أي حاجة بحبها

حاجات كثيرة مش بتتنتهي , وتتفقوا مع بعض اذا كان في نقط اخرى

أنا الست : يعني البيت مسئوليتي
أنا الست : يعني اعيشلك واحبك واموت فيك واكون سندك وواقفة جنبك
أنا الست : يعني معاك على الحلوة والمرة وعلى قد أمكانياتك
أنا الست : يعني هكون قنوعة ومش هقولك هاتلي هاتلي وانا عارفة انك مش هتقدر على الحاجة دي
أنا الست : يعني هحافظ على فلوسك ومش هجيب شئ مش ضروري مش في وقته
أنا الست : يعني مش هخليك تحس الا بطعم السعادة حتى لو انا من جوه بتقطع ومتضايقة من موضوع
أنا الست : يعني هختار الوقت المناسب لكل موضوع اكلمك فيه
أنا الست : يعني هشيل أمك في عينيا وهقولها "يا ماما" مش هقولها يا طنط وكإنها بالظبط غريبة عني والكلمة دي هترضيك وترضيها
أنا الست : يعني عارفة يعني ايه امك في حياتك , يعني ايه حبك ليها
أنا الست : هخليك تحافظ على علاقتك بأهلك واقويها معاك , ونروح سوا لأهلك وأهلي وقرايبك وقرايبي
أنا الست : يعني هحافظ على نفسي , وهسمع كلامك , وهاعيش ليك ومعاك
أنا الست : يعني هخليك ازاي تحبني وتموت فيا , والبسلك اللي بتحبه واعمل كل اللي انت عايزه
أنا الست : يعني اكبرك في عيون الناس , يعني اعيشلك واعيش للأولاد بكل حب
أنا الست : يعني محتاجة منك كل حنان وحب , زي بالظبط ما انت عايز اديلك حنان وحب وكل اللي انت عايزه
تعيش وتجيبلي يا حبيبي لما يجيبلك حاجة بتحبيها , او حتى مش بتحبيها المهم ماتكسفيهوش

حاجات كثيرة مابتنتهيش برضة , تتفقوا عليها وتضيفوا كل اللي نفسكم فيه

طيب

في حاجات مشتركة

المشاكل مابنا تتحل مابنا يعني أهلي واهلك برة الموضوع
المشاكل اللي بنا تتحل في نفس اليوم عشان كل ما يوم يفوت عليها الشيطان بينفخ فيها ويولعها زيادة
نعمل كل اللي يرضي ربنا واهم شئ نتفق فرحنا هيكون ازاي؟؟ عشان مانكررش غلطات الناس ونعصي ربنا زي معظم الناس ما بيعصوا ربنا في اليوم ده وحقولك نعمل ايه

نتفق سوا على كل الحاجات انتي بتحبي ايه , وانا بحب ايه , انا بكره ايه , وانتي بتحبي ايه , انا الكلمة ليا , وانتي حتتقبليها بحب , لاني هتناقش معاكي مش حقولك على شئ لأ لمجرد انه لأ , لاني ليا نظرة بعيدة , ولازم اوضحلك النقط دي , وفي نقط ممكن اخفيها عليكي اذا كان في توضيحها جرح ليكي او لحد يهمك

نتفق اننا كل يوم هناخد خلوتنا وهنصلي وهنشارك بعض ولو عرفنا نعمل كده مع بعض ليه لا .. المهم اننا نكبر مع يسوع كل يوم ونعيش شبابنا وحياتنا صح .

نتفق من الاول عشان مانختلفش
نتفق على كل شئ عشان نعيش مدى الحياة في سعادة
نتفق عشان نعيش ونعرف نشتغل ونحب بعض ونقاوم الدنيا
نتفق عشان نرضي ربنا في كل حياتنا ومع اولادنا الي ما لا نهاية

منقول